The 40 Year Old Virgin (2005) [18+]

டிஸ்க்: இப்படத்தின் கருவும், விமர்சனமும் 18 வயதுக்குட்பட்டோருக்கு கண்டிப்பாக ஏற்புடைது இல்லை. எனவே தயவு செய்து, இங்கேயே விலகி விடுங்கள். அடுத்தப் பதிவில் சந்திப்போம்.

எக்ஸ்ட்ரா டிஸ்க்: இந்தப் பதிவு எந்த பதிவரையும் மனதில் வைத்து எழுதியதில்லை என்பதை பணிவன்புடன் தெரிவித்துக் கொள்கிறேன்.

---

அதிக பட்சமாக, பதினாறு வயதுக்குள், அமெரிக்காவில் எல்லோருக்கும் எதாவது ஒரு வகை உடலுறவு அனுபவம் கிடைத்து விடுகிறதாம் (என் ஸ்பானிஷ் தோழிக்கு 14-லிலாம்). அப்படிப்பட்ட கலாச்சாரத்தில், ஒருத்தருக்கு... அதுவும் ஒரு ஆணுக்கு (இது எவ்வளவு கஷ்டம்னு நமக்குத்தானே தெரியும்), 40 வயது வரை, அப்படிப்பட்ட அனுபவம் கிடைக்காமல் இருந்து, அந்த முதல் அனுபவத்திற்காக அவனும், அவனுக்காக அவன் நண்பர்களும் எடுக்கும் ‘ச்சீசீய்.. ச்சீசீய்’ ரக முயற்சிகள்தான், The 40 Year Old Virgin.

---

Andy -க்கு 40 வயது.  ஒரு எலக்ட்ரானிக் கடையில் வேலை. ஒண்டிக்கட்டை.  கலெக்டர்ஸ் எடிசன் பொம்மைகளை சேர்ப்பதும், வீடியோ கேம் விளையாடுவதும்தான் அவன் பொழுது போக்கு.  அக்கம்பக்கத்து வீட்டுக் காரர்களும், வயதானர்வர்களாகவே இருக்க, அவனுக்கு அந்த விஷயத்திற்க்கு வழியே இல்லாமல் போய்விடுகிறது.

ஒரு நாள், உடன் வேலை செய்யும் நண்பர்களுடன், சீட்டு விளையாடிக் கொண்டிருக்கும் பொழுதுதான், ஒரு கேள்விக்கு பதில் அளிக்கும்போது தலைவரின் ‘கன்னித்தன்மை’ கதை வெளிவருகிறது (“கேள்வி: அதைத் தொடும்போது எப்படி ஃபீல் பண்ணின? பதில்: ரெண்டு மணல் மூட்டை மாதிரி!!” [தொடும்போது-ங்கற வார்த்தை நாகரிகம் கருதி எழுதியது. படத்தைப் பார்த்தால் யு நோ வாட் ஐ மீன்]).

அப்பொழுதிலிருந்து, விஜயகாந்த் ‘செந்தூரப் பூவே’-வில் ஆரம்பித்து, நிறைய படங்களில் ஒரு வேலை செய்வாரே.... அதே வேலையை, Andy-யின் நண்பர்கள் ஒரு சபதமாக (மவனே.. உன்னை கன்னி கழிய வைக்காம விடுறதா இல்லை) ஏற்று, அவனுக்கு ஒரு ‘பெண்’ தேட ஆரம்பிக்கின்றனர்.

அங்கு ஆரம்பிக்கும் படம் அப்புறம், ஒரே குஜாலாக நகர்ந்து (பாடி வேக்ஸ், பார் ஹிட்டிங், ப்ராஸ்டிடியூட்... எக்ஸட்ரா.. எக்ஸட்ரா) , எப்ப முடியுதுன்னு கூட தெரியாமல், கிஷோர் மாதிரி நண்பர்களை, வாயிலிருந்து வாட்டர் ஃபால்ஸ் வருவது தெரியாமல் பார்க்க வைக்கும்.  கலாச்சார காவலர்கள் எல்லாம் எதுக்கும்... ஒரு கட்டையை ரெடி பண்ணிக்கங்க. உபயோகப் படலாம்.

அதே நேரத்தில், ஈபே (EBay) கடை ஒன்றை நடத்தி வரும் ட்ரிஷ் என்னும் நடுத்தர வயது பெண், Andy-க்கு பழக்கமாக... கொஞ்ச நேரத்தில்.. அவள் மூன்று பிள்ளைகளுக்குத் தாய் எனத் தெரிய வருகிறது.  இன்னும் கொஞ்ச நேரத்தில்.. அந்த மூன்றில் ஒரு பிள்ளைக்கு..... ஒரு பிள்ளை இருப்பதும் தெரிகிறது (புரியலையா..? ட்ரிஷ் = பாட்டி).

இருந்தாலும் Andy-க்கு த்ரிஷ் மேல் ஒரு ‘இது’ வந்துவிட, தானொரு வர்ஜின் என்ற உண்மையை (ப்ரெஸ்டீஜ்) த்ரிஷிடம் மறைத்து, அவளோடு பழக ஆரம்பிக்கின்றான். முதல் ‘டேட்’டிலேயே... மேட்டருக்கு ரெடியாகிவிட... Andy-க்கு ஒரு பிரச்சனை! ஆணுறையை எப்படி உபயோகிப்பது எனத் தெரியாது. அதே நேரத்தில் ட்ரிஷின் மகள் வீட்டிற்குள் வந்துவிட, அவன் ‘கன்னி’ முயற்சி வீணாகப் போகிறது.  கூடவே.. சில எக்ஸ்ட்ரா பிரச்சனைகள் சேருகிறது.

இனிமே “20 டேட் முடிஞ்ச பின்னாடி... செக்ஸ் வைத்துக் கொள்ளலாம்”- என இருவரும் முடிவெடுக்க, Andy-க்கு கொஞ்சம் நிம்மதி வருகிறது (உண்மையை சொல்ல இன்னும் கொஞ்ச அவகாசம் இருக்கே). ஆனால் ‘நான் மட்டும் யார் கூடவும் செக்ஸ் வச்சிக்கக் கூடாது... ஆனால் நீ வச்சிக்கலாமா(?)” என்ற நியாயமான கேள்வியை மகள், அம்மாவைப் பார்த்து கேட்க, சரி வேணும்னா.. போய் க்ளாஸ் எடுத்துகிட்டு, ஒழுங்கா கத்துக்கனும்.. சரியா” - எனச் சொல்லி அம்மா அனுப்பி வைக்க, துணைக்கு Andy-யும் க்ளாஸ் போகிறான்.

க்ளாஸில்... மற்ற இளசுகள் அத்தனையும், கேள்வியெல்லாம் கேட்காமல் ‘தெளிவாக’ இருக்க, Andy-க்கு மட்டும் ஏகப்பட்ட சந்தேகங்கள். இங்கு ட்ரிஷின் மகளுக்கு, இவனின் ‘Mr. Joe from south pole’-யைப் தெரிய வருகிறது... அதே நேரத்தில், 20-ஆவது டேட்டும்!

20-ஆவது டேட்-டில், தன்னுடைய கலெக்டர்ஸ் எடிஸன் பொம்மைகளை ஈபே-யில் விற்க விரும்பாமல் (ட்ரிஷின் ஐடியா) குட்டி சண்டை போட்டு, இருவரும் ஊடல் ஆகிவிட...... க்ளைமேக்ஸ்! (க்ளைமேக்ஸில் என்ன நடந்ததுன்னு சொல்லித்தான் தெரியணுமா?!) :)

---

The Boy in the Striped Pajamas பதிவில் Judd Apatow படங்களைப் பற்றி எழுத ஆசை-ன்னு சொன்னேன். இத்தனை நாள் ஆய்டுச்சி! படங்களை இயக்கினாலும் சரி..., தயாரித்தாலும் சரி... இவரின் பெரும்பாலானப் படங்கள், ஸ்ட்ரெய்ட் 18+, தான்.

அதிலும், இந்த படத்தின் வசனங்களில், உபயோகித்திருக்கும் வார்த்தைகளை கேட்பதற்கு பதில், பத்து குழாயடி சண்டையை பார்த்து விடலாம். குறிப்பாக, பாடி வேக்ஸ் செய்யும் காட்சி.  அந்த காட்சிக்கு, எப்படி வசனம் எழுதினார்கள் என்பதை, Unrated DVD-யின் எக்ஸ்ட்ராவில் தேடிப் பாருங்கள். நாராசம்!!!

படம் வசூலிலும், ரேட்டிங்கிலும் பெரிய ஹிட்.  அதுவரை ஒரு ஆளே இல்லாத, ஸ்டீவ் கார்ல்-லை, பெரிய ஹீரோ ரேஞ்சிற்கு உயர்த்தி விட்டது.  கிட்டத்தட்ட நின்றே போய்விட்ட, இவர் நடித்துக் கொண்டிருந்த ஒரு டி.வி நாடகம் (The Office), இந்த படத்தின் வெற்றியால், திரும்ப உயிர் பெற்று, இன்று வரை ஓடிக்கொண்டிருக்கிறது.

படம் பார்த்துட்டு என்னை திட்டினால் போதும். என்ஜாய்!!!!

18+, 18+ -ன்னு கேட்டு பழியெடுத்த கிஷோருக்கு, பதிவு சமர்ப்பணம்! :) :)

---

The 40 Year Old Virgin = Funny, Sexy... all the way!

---