Couples Retreat (2009)

ஏ.ஆர். ரஹ்மானின் முதல் ஹாலிவுட் எண்ட்ரி என்பதாலேயே, நம் எல்லோருக்கும் ஒருவித எதிர்பார்ப்பு, இந்தப் படத்திற்கு இருப்பது/இருந்தது நிஜம்.  அந்த பெயர் இல்லையென்றால் நான் கூட தியேட்டர் பக்கம் எட்டிப் பார்த்திருப்பேனா என்பது சந்தேகம்தான். எதுக்கும் போய் பார்ப்போமே என்று பார்த்தால்...........

---

நான்கு நண்பர்கள். குடும்பஸ்தர்கள்! அவர்களில் ஒருவரின் திருமண வாழ்க்கை, முறிந்துவிடும் சூழ்நிலையில் இருக்க... ஒருவேளை வெகேஷன் போனால் சரியாகுமோ என நினைத்து, மற்ற நண்பர்களையும் அழைக்கின்றனர் (4 கப்பிள் போனா பாதி சார்ஜாம்).

நான்கு குடும்பமும் (பிள்ளைங்களை வீட்டுல விட்டுட்டுத்தான்), ஒரு தீவிற்கு செல்கிறார்கள். ஜாலியாய் என்ஜாய் செய்யலாம் என நினைத்தால், “சாரி.. ரூல்ஸ் & ரெகுலேஷன் படி.. அதெல்லாம் நடக்காது.  நீங்க நாலு பேரும், டெய்லி... க்ளாஸ் அட்டண்ட் பண்ணனும்” என்று சொல்லிவிட, நான்கு கப்பிள்ஸும்  க்ளாஸ் அட்டண்ட் செய்ய, இல்லாத பிரச்சனைகளெல்லாம் வருகிறது.

திடீரென ஒருவனின் கேர்ள் ஃப்ரண்ட் காணாமல் போக, அவளைத் தேடி மற்றவர்கள், கிழக்குப் பக்கம் இருக்கும் இன்னொரு தீவிற்கு போகின்றனர் (கிழக்குப் பக்கத் தீவு, கல்யாணம் ஆகாதவர்களுக்கு மட்டுமாம்). கண்டு பிடித்தார்களா... திருமணம் என்ன ஆயிற்று... என்பதெல்லாம்... வெண்திரையில் தான்!

---

அய்யோ.. சாமி... சங்கை அறுத்துட்டுத் தான் வெளியே விடுறாங்க. வின்ஸ் வேகன், ஜீன் ரெனோவைத் தவிர, மற்ற முகங்களை  எல்லாம், நீங்க பார்த்திருக்கக் கூட வாய்ப்பில்லை. [க்ரிஸ்டியன் பெல், & க்ரிஸ்டியன் டேவிஸ்  இந்த பெயர்களை மட்டும் நீங்க கேட்டிருக்க வாய்ப்பிருக்கு].

வின்ஸிற்கு, போன வருடம் நடித்த, ஃபோர் க்ரிஸ்த்துமஸை தவிர வேறு படம் கைவசம் இல்லை. கையில் கொஞ்சம் பணம் இருந்திருக்கும் போல.., கதை-வசனம் எழுதி தயாரிச்சிட்டார்.

முதலில் R ரேட்டிங் வாங்கியிருந்த படத்தை திரும்ப எடிட் செய்து PG-13 வாங்கியிருக்காங்க. R-ன்னு விட்டிருந்தால் கூட.. சுமாரா சிரிச்சிருக்கலாம். இது கொடுமை! மிஞ்சிப் போனா மூணு இடத்தில் சிரிச்சிருக்கலாம் (அந்த யோகா சீன் மட்டும் எக்ஸெப்ஷன்). பேசியே கொல்லுறானுங்க, பரதேசிப் பசங்க.

நம்ம ARR தான் பாவம்! ஒரு நல்ல படத்தில் அறிமுகம் ஆகியிருக்கலாம். பெரும்பாலான நேரம் சைலண்டாகவே போகும் படத்தில், எப்பவாவதுதான் BG எட்டிப் பார்க்குது... அதுவும் அதிக பட்சமா அஞ்சு செகண்டில், ம்யூட் ஆகிடுது. சஜுனா பாடல் மட்டும்.. எழுத்து போடும்போது வருகிறது (அது மட்டும்தான் எனக்கு நினைவு இருக்கு).  தமிழ்ப் பாட்டை காணாம். ஒருவேளை வந்துதோ என்னமோ... நான் தூங்கியிருந்தாலும்... இருப்பேன் -ன்னு நினைக்கிறேன்.  எழுதியதிலேயே மோசமான படம் என “Mall Cop" படத்தை சொல்லலாம்.  ஆனால்.. அந்தப் படத்தையெல்லாம்.. கோவில் கட்டி கும்பிடலாம் போல.

அடப் போங்க... இது வரைக்கும் எழுதவே... கடுப்பா இருக்கு.  இதுக்கு மேல இந்த கருமத்தை எழுதி, ரெண்டு பேர் டைமும் வேஸ்ட் ஆகனுமா........ (சரி வந்துட்டீங்க... குளிர்ச்சியா பார்த்துட்டு போகட்டும்னுதான்.. மேலேயிருக்கற ரெண்டு படங்களும்! :) )

படத்தின் கடைசியில் ஜீன் ரெனோ, ஒவ்வொரு தம்பதிக்கும், அவர்களுடைய ‘விலங்கு’ பக்கத்தை விவரித்து (Animal Spirit), அதற்கு ஏற்ற மாதிரி ஆளுக்கு ஒரு பொம்மை கொடுக்கறார். 

அவர் வின்ஸ் வேகன் தம்பதிக்கு கொடுக்கும், பொம்மைதான்... இன்றைய பன்ச்சும்.

---

Couples Retreat = சென்ஸார்ட்

---