The Pixar Story (2007) [--06--]

தலை முழுகும் பிரச்சனை, பிக்ஸாருக்கு. வெற்றியை ருசிக்க முடியாமல் டெக்னீஷியன்களில் பலருக்கு (60%, பெரும்பாலும் லைட்டிங் டீமில் இருந்தவர்கள்), தலைக்கு குளிக்க முடியவில்லை!


இது இன்னாபா புதுக் கதைன்னு கேக்கறீங்களா? RSI கேள்விப் பட்டிருக்கீங்களா? Repetitive Strain Injury. ஒரே மாதிரி கை, காலை வைத்துக் கொண்டு, கம்ப்யூட்டரில் நாள் பூராவும் மானிட்டரை (வேலை செய்வது போல்) வெறித்துப் பார்க்கும், நம் போன்ற மக்களுக்கு வரும் ஒரு டிஸாடர். மவுஸில்.. ரொம்ப நேரம் ஒரே மாதிரி கை வைத்து ஸ்க்ரொல் பண்ணிக்கிட்டே இருந்தா.. ஒருமாதிரி வலி வருமே... அந்த டைப்.

இதெல்லாம் தெரியாமல் இருப்பதே நல்லது. தெரிந்தால்... மனம் அதை ஊதிப் பெரிதாக்கிவிடும். லைட்டிங் டிஸைனர்ஸ் எல்லாம்... “சார்.. எனக்கு சோப்பு போட முடியல... ஷேம்பூ போட முடியல”- என கம்ப்ளெய்ண்ட் செய்ய ஆரம்பித்தனர்.

காரணம்... தொடர்ந்து 4 படங்கள் (தூக்கிப் போட்டதையும் சேர்த்து), அதுவும் Toy Story 2-ற்கு இவர்கள் உழைத்த அசுர வேகம்..., RSI-யில் கொண்டு வந்து நிறுத்தியது.

பிக்ஸார் (மே..பி.. மற்ற கம்பெனிகளும்) ஒரு பெரிய பாடம் கற்றுக் கொண்டது அதிலிருந்துதான்.  இந்த RSI பிரச்சனையிலிருந்து பாதிக்கப் பட்டவர்களை சரிப் படுத்தி, மீட்டுக் கொண்டு வர பெரு முயற்சிகள் எடுக்கப் பட்டன. புதிய ரூல்கள் போடப் பட்டன. அன்றிலிருந்து, தன் அனிமேட்டர்களுக்காக, ஒவ்வொரு படத்திற்கும்... இந்தியக் குடும்பக் கட்டுப்பாட்டைப் போல, குறைந்த பட்ச இடைவெளி விட ஆரம்பித்தது.

இன்னொரு புறம் டிஸ்னியும் - பிக்ஸாரும் மறுபடி முட்டிக் கொண்டது, இந்த முறை ரொம்ப சீரியஸாக!

---

மூன்று பட டீல்.. ஐந்து படமாகிய போது, அதில் டாய் ஸ்டோரி-2 சேர்த்தியா இல்லையா என்பதுதான் அது.  ஜாப்ஸ் அதையும் கணக்கில் சேர்க்க, மைக்கெல் ஐஸ்னர், “இந்தப் படம் டீலுக்கு அப்பால” - என சொல்ல... பிரச்சனை.. வலுத்துக் கொண்டே சென்றது. ஒன்றும் முடிகிற பாடாய் தெரியவில்லை. இது மேனேஜ்மெண்ட் சைடில் மட்டும் தான்.  டெக்னிகல் சைடில்..., RSI பிரச்சனைகள் முடிவுக்கு வந்து.., எல்லோரும்.. தலை முழுகியவுடன், அடுத்தப் படத்திற்கு பிக்ஸார் தயாரானது. கூடவே... கறுவிக் கொண்டிருந்த... DreamWorks -உம்!

மற்றவர்களுக்கும் வாய்ப்புத் தரவேண்டுமென நினைத்த பிக்ஸார், இரண்டாம் முறையாக ஜான் இல்லாமல் (ஆனால் வெளி வந்தது, ஜான் இல்லாத முதல் படம்), புதிதாக ஒருவரை  களத்தில் இறக்கியது. பீட்டர் டாக்டெர், டாய் ஸ்டோரி 1 & 2 படத்தின் கதைக்கு சொந்தக்காரர். 

Monsters, Inc: மறக்க முடியுமா...? குழந்தைகளை பயமுறுத்தி, அழ வைத்து மின்சாரம் தயாரிக்கும் Monsters, Inc- நிறுவனத்தை, தவறுதலாக உள்ளே நுழையும் ஒரு குழந்தை படுத்தும் பாடும், கடைசியில், குழந்தையின் சிரிப்பை விட.., நமக்கு அதிக ‘கரண்ட்டை’ வேறு எதனால் தர முடியும் என மெசெஜ் சொல்லி.. 2001-ஆம் ஆண்டு, நவம்பரில் (இந்த முறை ரொம்ப முன்னதாகவே), Monsters, Inc வெளிவந்து (தசாவதாரம் மாதிரியே.... ‘என்னோட கதை.. என்னோட கதை’ என 1-2 கேஸ் போடப்பட்டு, ரிலீஸிற்கு முதல் நாள், தள்ளுபடி செய்யப் பட்டதாம்), $525 மில்லியனை குவித்தது .

ஏகப்பட்ட எறும்புகளை பேட்ச்.. பேட்ச்சாக அனிமேட் செய்துவிட்டாலும், இந்த முறை இன்னொரு பிரச்சனை. சல்லிவன் கேரக்டருக்கு, அந்த பொசு.. பொசு முடி வேண்டும். அடுத்து.... ஆயிரக் கணக்கில், ஒரே நேரத்தில்... நகரும் கதவுகளை, அனிமேட் செய்ய வேண்டும். வேறு வழியில்லாமல் திரும்பவும்.. எல்.கே.ஜியில் இருந்தே ஆரம்பித்தார்கள். (Monsters, Inc -ல் திருச்சியை சேர்ந்த இரண்டு பேர் (ஒரு ஆண், ஒரு பெண்), அனிமேட்டர்களாக வேலை செய்ததாக... ஆ.வியில் படித்த நியாபகம் இருக்கிறது).

---

முன்னதாக... அதே 2001-ஆம் ஆண்டு, DreamWorks-வும்.. தனது முதல் பெரிய ஹிட்டை கொடுத்தது: Shrek -ன் முதல் பாகம்.  Antz-ன் தொழில்நுட்பத்தை ஒப்பிட்டால்... Shrek-ல் DreamWorks மலைக்கும் மடுவுக்குமான வித்தியாசத்தைக் காட்டியது. வசூலிலும் Shrek மிகப் பெரிய வெற்றியை பெற ($490 மில்லியன்)....

ஆஸ்கர் விருதுகளில், அந்த ஆண்டு உருவாக்கப் பட்ட ‘சிறந்த அனிமேஷன் திரைப்படம்’ என்ற பிரிவில், Monsters, Inc-ஐ பின்னுக்குத் தள்ளி, விருதை பெற்றது. மைக் மையர்ஸ், எட்டி மர்ஃபி, கேமரூன் டயஸ் என அத்தனையும் பெரிய தலைகள். இந்த படத்தில், வெறும் குரலுக்காகவே, ஹாலிவுட்டின் அதிக சம்பளம் வாங்கிய நடிகை என்ற பெயரை கேமரூன் டய்ஸ் பெற்றார் ($10 மில்லியன்).

பிக்ஸாரும், DreamWorks-உம், அடுத்த கோதாவுக்கு ரெடியானார்கள். இரண்டுக்குமான... நிஜ போட்டி... இந்த ஆண்டில்தான் ஆரம்பித்தது.

பிக்ஸார், Finding Nemo என்ற அனிமேஷன் காவியத்தை உருவாக்க ஆரம்பித்ததும், புலியை பார்த்து இன்னொரு புலி சூடு போட்டுக் கொண்டதும்.......

நாளைக்கு!

---

---

Monsters, Inc வெளிவந்த 2001-க்கு முன்னும் பின்னும் (2000 & 2002), பிக்ஸார் இரண்டு குறும்படங்களை வெளியிட்டது. 2000-ல் வெளியான For the Birds, மற்றும் 2001-ல் வெளியான Mike's New Car-ன் யூட்யூப்  முழு வீடியோ உங்களுக்கு.

என்னுடைய ஃபேவரைட், For the Birds.., 2001-ற்கான சிறந்த அனிமேஷன் குறும்பட ஆஸ்கர் விருதை, தட்டிச் சென்றது.





[தீபாவளிக்கு ஒபாமா லீவு விட்டிருக்காராமே-ன்னு வினோத் கேட்டதும்.. ‘தீபாவளி என்னைக்குன்னு தேடாம’, ஆசையாசையா... ‘லீவு விட்டிருக்காரா’ன்னு தேடினா.... ஹும்....., என் சார்பா... வினோத்தை துபாய்ல இருந்து நாடு கடத்தினா... என்ன??]

நண்பர்கள் எல்லோருக்கும்... தீபாவளி வாழ்த்து(க்)கள்!!!!!!!!!!

---