The Pixar Story (2007) [--10--]

முதலாம்/இரண்டாம் உலகப்போர், பானிப்பட் போர் எல்லாம் கேள்விப் பட்டிருக்கோம். முதலாம்/இரண்டாம் “Save Disney” போர், கேள்விப் பட்டதுண்டா?

---

‘எங்கிருந்தாலும் வாழ்க’ - என்றுதான் இரண்டு சிஇஓ-க்களும் அறிக்கை ராக்கெட் விட்டுக் கொண்டிருந்தார்கள். ஆனால்.. கூடவே உள்/வெளி குத்துக்களை இணைத்து வெளியிட்டனர். “பிக்ஸாரின் வெற்றியில்.. டிஸ்னி இனி பங்கேற்காது” என்றார் ஸ்டீவ். “கம்ப்யூட்டர்ல ரெண்டு படத்தை ஆட்டிட்டா, டிஸ்னியே காணாம போய்டுமா?” என்றார் மைக்கெல்.

கூடவே, “டாய் ஸ்டோரி 3 & 4-யையும்.. நாங்களே தயாரிப்போம்” என்று சபதம் வேறு போட்டு, அனிமேஷன் ரசிகர்களின் வயிற்றில் புளியை கரைத்தார். அப்பொழுது டிஸ்னியின் நிலைமை அப்படி. டிஸ்னியின் மறுமலர்ச்சிக் காலம் முடிந்து (1999)... அஜித்தை விட அதிகமாகவே ஃப்ளாப் கொடுத்துக் கொண்டேயிருந்த டிஸ்னியின் மதிப்பு, கொஞ்சம் கொஞ்சமாக சரிந்து கொண்டிருந்தது. “நானின்றி நீயில்லை” என்ற எண்ணம் வேறு பிக்ஸாருக்கு வந்துவிட்டது. இதையெல்லாம் சரி செய்ய, ஒரே வழிதான் உண்டு.

“என்னய்யா பெரிய 3டி?! நேத்து முளைச்சதெல்லாம்... 3டி-ங்கறான், 4டி-ங்கறான். இதா பாரு.. நாங்களும் 3டி-ல படமெடுத்துக் எடுத்துக் காட்டுறோம்” - என மைக்கெல் சவால் விட்டார். 

நவம்பரை விட்டால்.. டிஸ்னிக்கு வேறு மாதம் தெரியாதா... 2005 நவம்பரில், டிஸ்னி தனது முதல் CGI படத்தை வெளியிட்டது.

---

Chicken Little: தன்னை விட்டால், டிஸ்னிக்கு 3டி நாதி கிடையாது என்பதை நிரூபிக்க வேண்டுமென்றால்..., டிஸ்னியின் இந்த, முதல் CGI படம் வெற்றியடையக் கூடாது என்பதுதான், பிக்ஸாரின் நோக்கமாக இருந்திருக்கும்.  ஆனால் 80 வருடங்களுக்கும் மேலாக திரைத் துறையில் குப்பை கொட்டிக் கொண்டிருக்கும், உலகிலேயே மிகப் பெரிய பொழுதுபோக்கு நிறுவனமான டிஸ்னிக்கு இது மானப் பிரச்சனை.

யாருக்கு வெற்றி என்று கேட்டால், இருவருக்குமேதான்.  Chicken Little வசூல் ரீதியாக, $300 மில்லியனை சம்பாதித்து ($150 பட்ஜெட், 2டி-க்கே அவ்வளவு செலவு பண்ணுற ஆளுங்க அவங்க), பிக்ஸார் இல்லாமலும் தன்னால் 3டி படம் எடுக்க முடியும் என டிஸ்னி நிரூபித்ததில்.. அதற்கு வெற்றி.

ஆனால், “வெற்றி.. வெற்றி” என டிஸ்னி, பாடிக் கொண்டே எண்ட்ரி கொடுத்தால்..., படம் பார்த்தவர்கள், Chicken-ஐ வறுத்தெடுத்து... 65 ஆக்கிவிட்டனர்.  அந்த அளவில், டிஸ்னியின் பெயர் மீண்டும் நாறியதில், பிக்ஸாருக்கு வெற்றி. இந்த சுற்று 3டி ஆட்டம் ட்ரா!

பிக்ஸார்.. பிள்ளையாருக்கு 50 தேங்காய் உடைத்திருக்கலாம்.

---

நாம் இன்னும் 2005-ஆம் ஆண்டில்தான் இருக்கிறோம். முடிந்த வரை, இதே ஆண்டில் வைத்தே கதை சொல்லப் பார்க்கிறேன். டார்டாய்ஸை சுத்தியே ஆக வேண்டுமென்றால்.... கொசுவர்த்தி அலர்ஜி இருப்பவர்கள் மன்னிக்கவும்.

அதே ஆண்டில் (2005) வெளியான் அனிமேஷன் படங்களில், Robots (Blue Sky Studios) நல்ல வெற்றியையும், Madagascar (DreamWorks) மிகப் பெரிய வெற்றியையும் கண்டன.

ஆனால் வெளிவருதாக சொன்ன பிக்ஸாரின் ஏழாவது படம் மட்டும் வரவில்லை.  பட வெளியீடு, 2005 நவம்பரில் இருந்து, அடுத்த வருடம் ஜூன் மாதத்திற்கு (2006) தள்ளிப் போடப் பட்டது.

முதல் காரணம் முன்னே பார்த்ததுதான். ஜூன் மாதம், ஸ்டீவ் ஜாப்ஸின் ச்சாய்ஸ். இரண்டாவது காரணம், இன்னும் டிஸ்னி-பிக்ஸார் சண்டை ஓயவில்லை. புதிதாக யாரும், படத்தை வினியோகிக்க கிடைக்கவில்லை. மூன்றாவது காரணம், படத்தை எட்டு மாதம் தள்ளி போட்டால், அதற்குள் ஏதாவது நடக்காதா... என்ற எதிர்பார்ப்பு!

அது என்ன அந்த ஏதாவது நடக்காதா என்ற எதிர்பார்ப்பு??

டொய்ங்... டொய்ங்.. டொய்ங்...... கொசுவர்த்திதேங்ங்ங்ங்ங்ங்........!!!!!

---

இந்தத் தொடர் முழுக்க, ‘மைக்கெல் ஐஸ்னர்’ என்ற பெயரைக் குறிப்பிடும் பொழுதெல்லாம்... அவருக்கு ஒரு வில்லன் தோற்றம்தான் இருந்தது. கிட்டத்தட்ட அவர்தான் கதையின் வில்லன். ஆனால்.. அவர் பிக்ஸாருக்கு மட்டுமல்ல, டிஸ்னிக்கே வில்லனாகி விட்டார்.

வெய்ட்...! போன வரியின் ப்ளூ கலர் டிஸ்னி, நிறுவனத்தின் பெயர் அல்ல.  அது ராய் டிஸ்னி (Roy Disney).  திரு. வால்ட் டிஸ்னி-யின் அண்ணன் மகன். குழப்பம் வராமல் இருக்க, இவரை ‘ராய்’ என அழைக்கலாம்.

ராய், The Walt Disney Company-யின் நீண்டகால போர்ட் மெம்பர். அவருடைய அப்பாவும், சித்தப்பாவும் சேர்ந்து உருவாக்கிய கம்பெனிதான் இது. கம்பெனியின் சிஇஓ பொறுப்பை இவர் ஏற்கவில்லை என்றாலும், கம்பெனிக்கு ஒன்று என்றால், தல சிலிர்த்து விடுவார்.

“Save Disney" என்ற பெயரில், இவர் இருமுறை... குட்டி குட்டி போராட்டங்களை கம்பெனி அளவில் நடத்தி, டிஸ்னியின் இரண்டு CEO-க்களை வெளியே அனுப்பியுள்ளார். இவர் வீட்டுக்கு அனுப்பிய முதலாவது CEO....... திரு. வால்ட் டிஸ்னி-யின் மருமகன்.

நீங்கள் முறைப்பது நன்றாகத் தெரிகிறது என்றாலும்... வரலாறு ரொம்ப முக்கியமல்லவா!  இதை மட்டும் பார்த்து விட்டு.. போய்விடலாம்.

முதலாம் “Save Disney” போர்: 1984
1983-ல் வால்ட் டிஸ்னியின் மருமகன் (பெயர் மில்லர்), CEO பொறுப்பை ஏற்க, கம்பெனியையே லவட்டிக் கொள்ள ஒரு கும்பல் முயல ஆரம்பித்தது. உடனே நம்ம ராய், குட்டியாய் ஒரு போராட்டம் + ஸ்டண்ட் எல்லாம் செய்து, இவரை தூக்கிவிட்டு, மைக்கெல் ஐஸ்னரை CEO ஆக்கினார். இது வரைக்கும் இது போதும்.

இரண்டாம் “Save Disney” போர்: 2003
தான் பதவியில் வைத்து அழகு பார்த்த, மைக்கெலை... தானே... மீண்டும் ஒரு போராட்டம் செய்து, துரத்த வேண்டிய கட்டாயத்திற்கு, ராய் ஆளானார். மைக்கெலின் நிர்வாகக் குளறுபடிகள், டிஸ்னியின் கம்பெனி நெறிகளில் இருந்து விலகியது, அவரின் பிடிவாதம், டிஸ்னியின் தொடர் தோல்விகள், அது.. இது.. என..........

டிஸ்னியின் மேனேஜ்மெண்ட் குளறுபடிகளைப் பற்றி எழுத ஆரம்பித்தால்.... பா.ரா.வின் மாயவலை-யை விட பெரிய தொடராகிவிடும். அதனால்.. இது வரைக்கும் மட்டும் நாம் தெரிந்து கொண்டால் போதும்.

இதற்கு மேல் இதைப் பற்றி தெரிய வேண்டுபவர்கள், James B. Stewart-ன் DisneyWar என்ற புத்தகத்தை தேடிப் பிடித்து படிக்கவும்.

---

!.......ங்ய்டொ... ங்ய்டொ... ங்ய்டொ

ஹைய்யா.. திரும்பவும் 2005-க்கு வந்துட்டோம். இந்த இரண்டாம் டிஸ்னி உலகப் போர், இரண்டு வருடம் தாக்கு பிடித்து, 2005-ல் முடிவிற்கு வந்தது. மைக்கெல் ஐஸ்னர் தனது CEO பதவியிலிருந்து விலகி, வேலையை விட்டுப் போய்விட்டார்.

இனி நமக்கும் அவருக்கும் தொடர்பில்லை. அவர் ஊதி விட்ட பிக்ஸார் புகை மட்டுமே இன்னும் இருந்தது. ஆனாலும்... அவருடைய பெயரை... ரப்பர் போட்டு... உங்க மெமரியில் இருந்து அழித்துவிடவும். ஆச்சா?????

இங்கே இந்த புதுப் பெயரை... ஆளுக்கு, 100 தடவை... மனசுக்குள்ளயே... சொல்லி நியாபகத்துல வச்சிக்கங்க பார்ப்போம்!!!

Robert "Bob" Iger

---

ராபர்ட்டின் பெயரை, டிஸ்னியின் CEO தேர்விற்கு, 1999-ல் இருந்தே... பரிந்துரைக்கப் பட்டு வந்தது.  ‘திண்ணை எப்ப காலியாகும்’ என்றுதான் வெய்ட்டிங். ஆனால் ராபர்ட்-டின் பெயர், ராய் (டிஸ்னி)-க்கோ, ஜாப்ஸ்-க்கோ சந்தோஷம் கொடுக்கும் பெயராகவும் தெரியவில்லை.

ஏனெனில், ராபர்ட், இதற்கு முன் இருந்த டிஸ்னி CEO-க்கு (அதான் பேரை ரப்பர் போட்டு அழிச்சிட்டீங்க...இல்ல!), ஜால்ரா அடித்துக் கொண்டிருந்தவர். ‘இவராவது தன் குடும்ப நிறுவனத்தின் பெயரை காப்பாற்றுவாரா’ - என்பது ராய் (டிஸ்னி)-யின் கவலை. ‘இந்த குரங்காவது தன் பங்கு ரொட்டியை சரியாக பிய்த்துத் தருமா’ -என்பது ஜாப்ஸின் கவலை.

“வாலு போயி... கத்தி வந்தது” - என்ற நிலைமையில்தான்... இருவரும் இவரை பார்த்துக் கொண்டிருந்தனர். பிக்ஸார், தனது ஏழாவது படத்தின் வெளியீட்டை, 8 மாதம் தள்ளிப் போட்டது.... “இது போல, ஏதாவது நடக்காதா”- என்பதற்குத் தான்.

2006-ஆம் ஆண்டு வந்தது!!!! ஸ்டீவ் ஜாப்ஸ், ஜானையும் - எட்வினையும் (இவரை நினைவிருக்கா... முதல் பகுதியை திரும்ப படிக்கவும்) தன் வீட்டிற்கு அழைத்தார்.

பேசியதை..., நாளை ஒட்டு கேட்போம்!!!!!!

---

நான், மடகாஸ்கர், படத்தின் கிங் ஜூலியன் கேரக்டரின் ரசிகன். அந்த கேரக்டருக்கு குரல் கொடுத்தது, போராட் & ப்ரூனோ புகழ் சாஷ்சா கோஹென். படத்தில், கிங் ஜூலியன் பேசும் ‘வட இந்திய’ உச்சரிப்பில்.  I LIKE TO MOVE IT... MOVE IT பாடலை கேட்டிருக்கிறீர்களா (படம் பார்க்காதவர்கள்). கேட்டவுடன் பற்றிக் கொள்ளும், இந்தப் பாடலை பாடியதும், சாட்ச்சாத், சாஷ்சா-வேதான். கேட்க நினைப்பவர்களுக்கும், மீண்டும் கேட்க நினைப்பவர்களுக்கும், யூட்யூப் வீடியோ.

Physically Fit.... Physically Fit....
Physically... Physically... Physically...Fit!!

Physically Fit.... Physically Fit....
Physically... Physically... Physically...Fit!!