Avatar - டெக்னாலஜி 01

“நீங்ங்ங்கள் பார்க்கப் போகும், அந்த கதை நாயகனின்... முக அரிதாரத்தின் அடிநாதம்....., முகப் பூச்சுகளாளாளாளாலும்...... வர்ணக் கலவைகளாளாளாலும், ப்ளாஸ்டர் ஆஃப் பாரீஸ் என்று எம் சக கலைஞர்களால் அழைக்கப்படும் வஸ்துவினால் வந்ததென்று, தாங்கள் நினைத்தால்.........., ஒரு கலைஞனின் உழைப்பை அவமதிக்கும் பார்வையின் விளிம்பாய் நோக்கும் போது...... .......அதைக்க்க்க்க்க் கடுமையாக எதிர்க்கும் நிலைக்கு நான் உந்தப்ப்ப்ப்ப்படலாம் என்ற சித்தாந்ததின் கோட்பாடுகளில் ஊறித் திளைத்தே வளர்ந்த அடிப்படையிலும்ம்ம்ம்ம்...., அரிதாரத்தை பூசவும்... கலைக்கவுமே ஒவ்வொரு தினமும்... ஆதவன் கண் விழிக்கும் கணத்திற்கு,  4 மணித்லாயங்கள் முன்பும், அவன் த்யாயான நிலையை எட்டிய பின்பும்.... 5 மணித்லாயங்கள் எடுக்குமென்று சொன்னாலும் அது மிகையாகது என்பததுதான், இந்த பகுத்தறிவு பாசறையில் பயின்ற மாணவனின் கருத்தாக இருக்குமென்பதில் ஐயமிருப்பதாக எனக்குப் படவில்லை என்று கூற விழைந்தாலும்”- னு இனிமேல், கமல்ஹசன் (வழக்கம்போல் புரியாத) ஸ்டேட்மெண்ட் கொடுத்தால்.....

“ப்லாகர்ஸை விட.. நீங்க பெரிய வெட்டி’ங்க சார்”-ன்னுதான் சொல்லப் போறோம். அவதாரின் டெக்னாலஜி, அதைத்தான் சாத்தியப் படுத்தியிருக்கு. போனப் பதிவில் எல்லாத்தையும் சேர்த்து ஒரு குத்து மதிப்பாய் சொன்னதை.. இங்கு தனித்தனியா சொல்ல முயற்சிக்கிறேன்.

ஒரு குட்டி டிஸ்க் வேணும்னா: பிக்ஸார் பதிவுகளைப் போல, இதுவும் என் ஏட்டுச் சுரக்காய்தான். ரெண்டு மூணு வருசத்துக்கு முன்னாடி வாங்கின, வீடியோ கேமராவைக் கூட.. நான் வருசத்துக்கு ஒருமுறை மட்டும்தான் தொடுற ஆள். சினிமா கேமராவையோ, அதன் ‘செட்’களையோ, அட.. ஒரு சினிமா ஷூட்டிங்கை கூட... நேரில் பார்த்ததில்லை. ஸோ.. எனக்கு புரிஞ்ச வரைக்கும், உங்களை குழப்புவதே என் நோக்கம்! ரெடி??

---

150 காண்ட்ராக்டர்கள் சேர்ந்து உருவாக்கிய 2,40,000 சதுர அடி பரப்பு செட்தான்: ஜேம்ஸ் கேமரனின் (அல்லது செல்லமாக ‘ஜிம்’) Hell's Gate ( RDA) & Pandora என்ற இரு வர்சுவல் உலகங்கள்! கதை காலை வாறினாலும், இதன் தொழில்நுட்பத்தை தோண்டத் தோண்ட.......

புதுசு புதுசா வார்த்தைகள் கிடைச்சிகிட்டே இருக்கு. அதைத் தோண்டினால்.. இன்னும் பத்து புது வார்த்தைகள் கிடைக்குது. ஒரு கட்டத்தில் ‘போதும்டா சாமி’ன்னு நிறுத்த வேண்டியதா போய்டுச்சி. அந்த அளவிற்கு... அவதார் அட்டகாசம் பண்ணியிருக்கு.

குறிப்பிட்டு சொல்லனும்னா... மொத்தம் ஐந்து தொழில் நுட்பங்களை இதில் உருவாக்கியோ அல்லது உபயோகப் படுத்தியோயிருக்காங்க. இதெல்லாம் ஒன்னுக்கொன்னு தொடர்புடையது. அதனால் வரிசையா சொல்ல முடியாது. மொத்தத்தையும் படிச்சிட்டு, என்னை மாதிரியே நீங்களும் கற்பனையில் ‘இப்படி’த்தான் இருந்திருக்கும்னு ஒரு குத்து மதிப்பா, படத்தை ஓட்டிப் பார்த்துக்க வேண்டியதுதான்.

---

அவதார் படத்தின் போஸ்ட் ப்ரொடக்‌ஷன் + க்ராஃபிக்ஸ் காட்சிகளை வடிவமைத்த நிறுவனங்களில் ரெண்டு கம்பெனிகள் ரொம்ப முக்கியமானவை. 1. ஜார்ஜ் லூகஸின் ILM (Industrial Light & Magic). இரண்டாவது, பீட்டர் ஜாக்ஸனின் WETA Digital (District 9, Lord of the Rings, King Kong).

Prime Focus (Journey to the Center of the Earth) மாதிரி.. சில கம்பெனிகள் (படத்தில் வரும், அந்த ஹோலோக்ராஃபிக் டேபிளும், 180^o மானிட்டர் வ்யூக்களையும் உருவாக்கியது, Prime Focus. இந்தியாவிலேயே பெரிய க்ராஃபிக் நிறுவனமாமே? அப்பிடியா?) கம்பெனிகளும் இதில் அடக்கம். இதில் WETA Ditital தான் பெரும்பாலான க்ராஃபிக்ஸை செஞ்சிருக்காங்க.

Digital Asset Management -ங்கற வார்த்தை அத்தனை டிஸைன் சாஃப்ட்வேர் கம்பெனிகளிலும் உபயோகிக்கறாங்கன்னு நினைக்கிறேன் (என்னுடைய அஸட் மேனேஜ்மெண்டை, நான் கூப்பிடுவது டூல் செட்! ஆனா பாருங்க.. அந்த டூல் செட் எம்ப்டி-யாவே இருக்கு. எதையாவது உருப்படியா பண்ணினாதானே). இந்த DAS-ல் தான், இதுவரை அவர்கள் உருவாக்கிய புல், பூண்டு, புளி என அத்தனை CG கேரக்டர்களையும் (டூல் செட்), க்ராஃபிக் செய்த-ரெண்டரிங் முடிந்த எல்லா காட்சிகளையும் ஸ்டோர் பண்ணியிருப்பாங்க. மைக்ரோசாஃப்ட் நிறுவனம், அவதாருக்காக ஸ்பெஷலாக ஒரு DAS எழுதிக் கொடுக்க, அதை உபயோகப் படுத்தியது WETA Digital.

உங்க கிட்ட ஒரு, 1 டெராபைட் (1 TB) ஹார்ட் டிஸ்க் இருக்குன்னு வச்சிக்கங்க. அவதார் படத்தின், வீடியோ டேட்டாவை மட்டும் சேர்த்து வைக்க, அது மாதிரி குறைஞ்சது, 1000 ஹார்ட் டிஸ்க் வேணும் (Petabyte). இதுவே... டைட்டானிக் படத்திற்கு எத்தனை ஹார்ட் டிஸ்க் தேவைப் பட்டதுன்னு நினைக்கிறீங்க ஜெண்டில்மென்??? வெறும் 2!

---

Fusion 3D Camera / Vince-Cameron System : போனப் பதிவில் பார்த்ததுதான். வேற வார்த்தைகளைப் போட்டு எதாவது சமாளிக்க முடியுமான்னு பார்க்கறேன். நம் கண்களுக்கு இடைப்பட்ட தூரம் 60-65 mm-ன்னு பார்த்தோமில்லையா. அந்த தூரத்திற்கு Interocular -ன்னு பெயர்(ராம்).

நம் நிஜ உலகம் முப்பரிமானமாய் தெரியக் காரணம், இப்படி ரெண்டு கண்களும்.. பக்கத்தில் இருந்து, ஒரு பொருளை, ஒரே நேரத்தில் பார்ப்பதால் கிடைப்பது (சுஜாதா சார் கூட... ‘ஒரு கண்ணை மூடிப் பார்த்தால்.. அது 2டி’-ன்னு, எளிமையா சொல்லியிருப்பார்).

இப்ப பத்தடி தூரத்தில், ஒரு கம்ப்யூட்டரை பார்க்கிறோம்-னா, இரண்டு கண்களின் பார்வையும் ஒரேயிடத்தில் குவியும் இல்லையா? அதுக்குப் பேரு ‘Convergence'. அல்லது அந்த பத்தாவதடி தூரத்தை... Convergence -ன்னு சொல்லலாம்(மாம்).

என் வரையும் திறமையைப் பார்த்து, டிஸ்னி-பிக்ஸாரில் கூப்பிட்டாங்க. நாந்தான் போகலை. அப்படியே கொஞ்சம் அட்ஜட்ஸ் பண்ணி அண்டர்ஸ்டேண்ட் பண்ணிக்கங்க. ‘ஓப்பன் ஸோர்ஸ் ஒன்லி’ முடிவுக்கு அப்புறம், Gimp இன்னைக்குதான் உபயோகப் படுத்த ஆரம்பிக்கிறேன். ரெண்டு கோடு போடுறதுக்குள்ள, கண்ணுல தண்ணி வந்துடுச்சி (அதுதான் படத்துலயும்).

ஆச்சா... இப்ப இந்த Convergence -ன் தூரம் குறைஞ்சிகிட்டே வரும்போதுதான்... நம்ம ‘ரம்பா’ எஃபெக்ட் நமக்கு கிடைக்குது(தாம்). ஆனா நம்மோட கண் பாப்பா, ஆட்டோமேட்டிக்கா அட்ஜட் பண்ணுற மாறி, முந்தா நேத்துக்கு முன்னாடி வரைக்கும், வந்த எந்த 3டி படத்தோட கேமராவும்... ப்ளேஸ்மெண்ட் மாறாது.

அப்ப... ரொம்ப க்ளோஷப்ல  நம்ம விசயகாந்து கண்ணை உருட்டுறாருன்னு வச்சிக்கங்க, நாம டர்ஜ் ஆகறது ஒரு பக்கம் இருந்தாலும்.... அந்த டைம்ல, அவர் படத்தில்.. எந்த ஜென்மத்துக்கும் நடக்காத ஒரு விஷயம் நடக்கும்.

ஐ மீன்... அந்த டெரர் சீனை.., நம் கண்கள்... அப்படியே நம்ம மூளைக்கு, லேப் ப்ராஸஸிங் பண்ண அனுப்பும் போது, நம்ம மூளை வேலை செய்ய ஆரம்பிக்கும், ஹோஹோஹோ..... யா!! . அந்த காட்சியை.. அட்ஜஸ்ட் பண்ணி நமக்கு புரிய வைக்க, அட் லீஸ்ட் முயற்சியாவது பண்ணும்.

இந்த சிரமத்தையும் குறைச்சி, விசயகாந்து படம் பார்க்கும் போது, நம் மூளையே எந்தவொரு நொடியும், வேலை செய்யவே கூடாதுன்னு, ஜிம்மும் - வின்ஸ் பேஸும் முடிவு பண்ணி.... கேமராக்களுக்கு இடைப்பட்ட தூரத்தை... பொருளின் ஃபோகஸுக்கு ஏற்ற மாதிரி சுருக்கி-விரிக்கற மாதிரி அந்த கேமரா சிஸ்டத்தை மாத்திட்டாங்க.

எடிட்டிங் டேபிள்ல உட்கார்ந்திருக்கறவர் தப்பிச்சார். ஏன்னா அவருதான்.. இந்த க்ளோஸப்பை முதன் முதலா பார்க்கப் போறவர்.

இது நிச்சயமாக ஒரு ரெவல்யூஸ்னரி இன்வென்ஷன். இனிமே யாரும், நான் டிவிடியில் படம் பார்க்கறேன்னு சொல்லிட்டு வீட்டுலயோ, இல்ல... திருட்டு விசிடியோவெல்லாம் பார்க்க முடியாது. தியேட்டரில் மட்டுமே கிடைக்கக் கூடிய அனுபவம் (அட் லீஸ்ட்.. இன்னும் கொஞ்ச வருடங்களுக்கு) மக்களை இது போன்ற கண்டுபிடிப்புகள் இழுத்துக் கொண்டு வரும். கண்ணுக்கு முன் வந்து, ‘டப்பா’வை ஆட்டிக் காட்டுவதுதான் ‘3டி’-ன்னு இன்னும் நினைச்சிகிட்டு இருந்தோம்னா..., அதெல்லாம் ஓல்ட் ஃபேஷனாமே?!

கேமரனின் இன்னொரு ரெவல்யூஸ்னரி ஐடியா என்னவென்றால்..., மொத்த இண்டஸ்ட்ரியையும், 48 ஃப்ரேம்களுக்கு படத்தை எடுக்க-ஓட்ட வைப்பது. நாமெல்லாம் 720p, 1080p, 2K, 4K என்றெல்லாம் ரெஷல்யூஷனை மட்டும் பேசிக் கொண்டிருந்தால், ஜிம்.... ஃப்ரேம் ரேட்டைப் (Frame Rate) பற்றி பேசுகிறார்.

புதிய ப்ரொஜெக்டர்கள் 144 ஃப்ரேம்கள் வரை, ஒரு நொடிக்குக் காட்டக் கூடியதாம் (பழைய ப்ரொஜக்டர்களில் லைட்டா மாடிஃபை செய்யனும்). ஒரு 4K ரெசல்யூஷன் படம், 24 ஃப்ரேமில் ஓடுவதை விட, ஒரு 2K ரெசல்யூஷன் படம், 48 ஃப்ரேமில் ஓடும் போது.. இன்னும் ஸ்மூத்தாக, ஆர்டிஃபெக்ட் குறைவாக இருக்க்கும்.

3டி படங்களுக்கு இந்த ‘jitter’ எஃபெக்ட் அதிகமாகத் தெரியும் (திருட்டு விசிடிலயும், லோ ரெசல்யூசன் காப்பிகளையுமே கண்ணை சுருக்கிப் பார்த்துடுவோம். ஜிட்டராம், ஃப்ரேம் ரேட்டாம், ரெஷல்யூஷனாம்). அதனால்... ஃப்ரேம் ரேட்டை உயர்த்தும் அடுத்தக் கொடியை இவர் வெகு விரைவாக பிடிப்பார் பாருங்கள் (ஏற்கனவே.. மைக்ரோசாஃப்டின் OS-ஐ 3டியில் கொண்டு வரணும்னு அவங்களை நச்சரிச்சிக்கிட்டு இருக்கார்).

எதிர்காலத்தில் தியேட்டரில் 48 ஃப்ரேமில்.. ஒரு படம் ஓட ஆரம்பித்தால்... அதற்கு, இந்த கனடாகாரர்தான் காரணமாக இருப்பார். Avatar - 2 Can't wait to see!

---

என்னிக்கு, ப்ளான் பண்ணி ஒன்னை செஞ்சிருக்கேன். ஒரே பதிவில் எழுதலாம்னு ஆரம்பிச்சது. ஜவ்வு மாதிரி இழுத்துடுச்சி. இன்னொரு பதிவோடு முடிக்க பார்க்கிறேன். சத்தியமா பிக்ஸார் தொடர் மாதிரி ஆகாது. எதுக்கும் அவங்கவங்க சாமிகிட்ட வேண்டிக்கங்க. ஸோ.......

அவதாரின் அட்டகாசம்.. தொடரும்! (அதெல்லாம் ஒரு தொடரும் வேணாம்னு நினைச்சீங்கன்னா ஓட்டு போட வேணாம். மீ அண்டர்வேர்!! :-) )

---

---