Avatar - டெக்னாலஜி 03

இப்ப எல்லோரும் ஒரு மாதிரி ரெடியாகிருப்பீங்கன்னு நினைக்கிறேன். இல்லைன்னு சொன்னீங்கன்னா.. பஸ் இந்த ஏரியாவை விட்டு நகராது. மீதி டெக்னாலஜிகளையும் பார்த்து முடிச்சிடுவோம்.

---

Facial Performance Replacement (FPR) :  தெலுங்கு டப்பிங் மாதிரி, தமிழ் டயலாக் பேசி முடிச்ச பின்னாடியும், கொஞ்ச நேரத்துக்கு நாகார்ஜூன் ‘ஊஊ’-ன்னு வாயை வச்சிகிட்டு இருப்பாரே, அந்த பிரச்சனைக்கு ADR-ன்னு சொல்லுவாங்களாம் (Automated Dialogue Replacement). பம்மல் K. சம்பந்தம் படத்துல... “நீ ஞ்ம்..ஞ்ம்-ன்னு பப்பிள் கம்’மை மெல்லு.. டப்பிங்-ல சமாளிச்சிக்க்றேன்”-ன்னு புலாசுலாகி சொல்லுற மேட்டர். அதையே.. கொஞ்சம் உல்டா பண்ணி..., அந்த வாயையே..., டப்பிங் போது... டயலாகிற்கு ஏற்ற மாதிரி அசைய வைப்பது, FDR.

ஆனால் இந்த FDR, நிஜ மனிதர்களுக்கு இல்லை. CGI கேரக்டர்களுக்கு!! படத்தின் டயலாக் மாற்ற வேண்டியிருந்தால்..., வெறும் டயலாகை மட்டும், அந்த நடிகர் பேசினால் போதும். திரும்ப அந்தக் காட்சியை அவர் நடிக்கவே தேவையில்லை. அவர் சம்பளப் பிரச்சனையில் கால்சீட் கொடுக்க மாட்டேன்னு சொன்னால்... யாரைவது வைத்து மிமிக்ரி செய்துகொண்டாலும் ஓகே. CG கேரக்டர்... ’ஊஊ’-வை ஒழுங்காக செய்துவிடும்.

இதற்கு மேல் படிக்கும் முன்... இந்த வீடியோக்களை ஒருமுறை பார்த்துடுங்க. பின்னால் சொல்லப் போகும் விஷயங்களுக்கு, இது உபயோகப் படும்.

---

Facial Capture Head Rig : மோஷன் கேப்சர் ஸ்டுடியோவை (ஒரேயொரு சதுர ரூம்), வால்யூம்-ன்னு கூப்பிடுறாங்க (அதிஷா பதிவில் இதை டெக்னாலஜி-ன்னு சொல்லியிருக்கார். தப்பு!! :-[). அல்லது சவுண்ட் ஸ்டேஜ். இதுக்கு குறிப்பிட்ட அளவெல்லாம் கிடையாது. கற்பனைக்கும், பட்ஜெட்டுக்கும் ஏற்ற மாதிரி யோசிச்சிக்க வேண்டியதுதான். ஒரு 50x50-ன்னு வச்சிப்போம். அந்த ரூமை சுற்றிலும்.., நூற்றுக் கணக்கில் மோஷன் கேப்சர் கேமராக்கள் இருக்கும் (செவ்வக வடிவத்தில்).

அதில், 90%-க்கும் மேலான கேமராக்கள், உடல் அசைவுகளை பல கோணங்களில் இருந்தும், மீதி கேமராக்கள் (ரெஃபரன்ஸ் கேமரா) முக அசைவையும் படம் பிடிக்கும். இந்த மோஷன் கேப்சர்... எப்படின்னா.. உடம்பு முழுக்க, சுமாராக ஒரு 60-70 ஸ்டிக்கர் பொட்டு மாதிரி டாட்ஸ் ஒட்டியிருப்பாங்க (Markers/Jewels). முகத்திற்கு தனியாக 100-150. இது தன் மேல் படும் ஒளியை ரிஃப்ளெக்ட் செய்வதோடு, அதன் இருப்பிடத்தையும், கேப்ச்சர் ஸிஸ்டத்துக்கு அனுப்பிட்டே இருக்கும். ரேடியம் மாதிரி.

இந்த முறையில் கை கால்களின் அசைவை ரொம்ப எளிமையா படம் பிடிக்க முடியும். ஆனால் முக அசைவுகளை பிடிப்பது, ரொம்ப கடினம். காரணம், எத்தனை மார்க்கர்ஸ் ஒட்டியிருந்தாலும்..., உணர்ச்சிகளை முழுமையா பிடிக்கறது கஷ்டம். இதை சரியா படம் பிடிக்க முடியாமல்தான், முக அசைவுகளை மட்டும், கம்யூட்டரில் திரும்ப உருவாக்குறாங்க.

ஜிம்-க்கு இது ரெண்டும் பிடிக்கலை. அவருக்கு தன் படம் அனிமேஷனாகத் தெரியக் கூடாதுங்கறதுதான் முதல் கவனம். நடிகர்களின் அத்தனை அசைவையும், கணிப் பொறியில் கொண்டு வரணும்னு முடிவு பண்ணும் போதுதான்..., வால்யூமை.. இன்னும் பெரிசு பண்ணலாமேன்னு முடிவு செஞ்சாங்க. இப்ப அந்த வால்யூம் சாதாரண ரூமை விட, ஆறு மடங்கு பெரிதாக்கப் பட்டது. இப்ப யானையை கொண்டு வந்துகூட டேன்ஸ் ஆட வைக்கலாம்.

அடுத்து இவர் உருவாக்கினதுதான் இந்த ஃபேஷியல் பர்ஃபார்மென்ஸ் ஹெட் ரிக். 1995-லேயே இந்த ஐடியாவை வச்சிருந்திருக்கார் மனுசன். எப்படின்னா, ஒரு சின்ன வைட் ஆங்கிள் கேமராவை, நடிகர்கள் முகத்துக்கு நேரா வைச்சிடனும் (வீடியோவில்..., ஹெட் ஃபோன் மைக் மாதிரி, பெரிய செவ்வகமா இருக்கும் பாருங்க. அல்லது மேலுள்ள படத்தில் ஸோ-வின் முகத்துக்கு நேராக இருப்பது). இப்ப அந்த கேமரா... நடிகர்கள் எந்தப் பக்கம் தலையை திருப்பினாலும்... கவலைப் படாம.. அவர்களின் முக/கண் அசைவுகளை மட்டுமே, படம் பிடிச்சிகிட்டு இருக்கும் (இதற்கு முன்னிருந்த கேப்ச்சர் ஸிஸ்டங்கள், கண்ணசைவை படம் பிடிக்காது).

இப்ப.. இந்த முக அசைவை அனலைஸ் பண்ண போதுமான டேட்டா, கம்யூட்டருக்கு கிடைச்சிடும். துணைக்கு, ரெஃபரன்ஸ் கேமராக்கள். இதனால்தான்.. படம் முடிஞ்சி வெளிய வர்ற வரைக்கும், நாம் கம்யூட்டர் ஜெனரேட்டர் கேரக்டர்கள் நடிச்சதைக் கூட உணர முடியாமல் போனது. வீடியோவில்.. ஹீரோயினின் ஒவ்வொரு அசைவையும், கண் இமைகள் மூடித் திறப்பது வரைக்கும், அந்த CG கேரக்டர் அப்படியே காப்பியடித்தது, இந்த ஹெட் ரிக்-னாலதான். எதோ கண்ணுக்கு முன் ஒரு கேமராவை தொங்கவிடுவது போலத் தெரிந்தாலும், இதை தயாரிக்க மட்டும் 12 மாதங்கள் எடுத்துக் கொண்டிருக்கிறார்கள்.

“நீங்ங்ங்கள் பார்க்கப் போகும், அந்த கதை நாயகனின்... முக அரிதாரத்தின் அடிநாதம்....., முகப் பூச்சுகளாளாளாளாலும்...... வர்ணக் கலவைகளாளாளாலும்,.....

-ன்னு கமல்ஹசன் ஸ்டேமெண்ட் கொடுக்கத் தேவையில்லை. இனிமேல்..., 5-6 மணிநேர மேக்கப் எல்லாம் தேவையே கிடையாது. ஆழ்கடலில் குதிக்கிறவங்க மாதிரி... ரப்பர் ட்ரெஸை மட்டும் போட்டுகிட்டு, ஸ்டுடியோவில் வந்து... ஆடி ஓடினால் போதும். என்ன அங்கே கமலுக்குப் பதிலா, ஒரு கம்யூட்டர் ஜெனரேட்டட் கேரக்டர் நடிச்சிகிட்டு இருக்கும்.

இது அனிமேஷனையும் தாண்டி, மோஷன் கேப்சரையும், நடிகர்களையும் இணைத்து, அனிமேஷன் படம் போல கொடுப்பது. எனக்கு அவங்க மேக்கப் போட்டிருந்தாங்களா, அனிமேஷனான்னு எல்லாம் யோசிக்கவே முடியலை. மைண்ட் ப்ளோயிங்!!!

---

வர்ச்சுவல் கேமரா: நாம கம்ப்யூட்டர் கேம் விளையாடும் போது, நிறைய விளையாட்டுகளில், 1st Person View, 3rd Person View -ன்னு எல்லாம் ஆப்ஷன் கொடுப்பாங்க. Need For Speed கேமில், இன்னும் நிறைய வைட் ஆங்கிள் பார்வைகள் சாத்தியம். இதெல்லாம் வர்ச்சுவல் கேமரா உதாரணங்கள்.

அல்லது 2டி-யில் எடுத்த Toy Story படங்கள், சமீபத்தில் 3டி-யில் வெளியானது, சினிமாவிற்கான உதாரணங்கள். இல்லாத ஒரு கேமராவை கேமராவை, கணிப்பொறியில் உருவாக்கி, எடுத்த அதே காட்சியை இன்னொரு கோணத்தில் காட்டுவது.

ஆனால் நிஜ சினிமாவிற்கான வர்ச்சுவல் கேமரா, ஆக்சுவலி.. ஒரு கேமராவே அல்ல. மார்க்கர்கள் ஒட்டிய ஒரு மானிட்டர். சாஃப்ட்வேர் மூலமாகவும், மோஷன் கேப்சர் மூலமாகவும், தான் இருக்கும் இடத்தை வைத்து, வர்ச்சுவல் உலகில் எந்த மூலையில் இருக்கிறோம் எனத் தெரிந்து கொள்ள உதவும் ஒரு ஆப்ஜக்ட்.

இதை இன்னும் கொஞ்சம் விளக்கி கழுவலாம்னா......, ராபர்ட் ஸெம்மிக்ஸின் போலார் எக்ஸ்ப்ரஸ் படத்தை எடுத்துக்கலாம். இந்தப் படமும், மோஷன் கேப்ச்சரை கொண்டு உருவாக்கப் பட்டதுதான். ஆனால் முன் சொன்ன குறைபாடுகள் எல்லாம் இதிலும் உண்டு. நடிகர்களின் முக அசைவுகள் அத்தனையும், கம்யூட்டர் ஜெனரேட்டட். நீங்க போலார் எக்ஸ்ப்ரஸ் படத்தை பார்க்கலைன்னாலும், லார்ட் ஆஃப் த ரிங்ஸ், ஸ்பைடர்மேன் மாதிரி படங்களை நினைத்துக் கொண்டாலும் ஓகே.

ஸ்டிக்கரை உடம்பு-முகம் முழுக்க ஒட்டிக் கொண்டு, வால்யூமில் இவர்கள் கொடுக்கும் பர்ஃபார்மென்ஸை, கம்ப்யூட்டரில் ஸ்டோர் செய்து, அதுக்கப்புறம், இவர்களின் சிஜி கேரக்டர்களோடு பொருத்தி, இருவரின் ஆக்‌ஷனையும், சிஜி என்வயரான்மெண்டில் சேர்த்தப் பின்தான், டைரக்டர் அந்த காட்சியை, திரும்பவும், தன் பாணியில் டைரக்ட் செய்ய வர்றார்.

அதாவது இனிமேல் இவர் டைரக்ட் செய்யப் போவது, டாம் ஹேங்க்ஸை அல்ல. டாம் அல்ரெடி கம்ப்யூட்டருக்குள், டிக்கட் செக் செய்து கொண்டிப்பார். அந்த சிஜி கேரக்டரைத் தான் ராபர்ட் டைரக்ட் செய்யப் போகிறார்.

ஒட்டு மொத்த சினிமா செட்டும், நடிகர்களும் (சிஜி கேரக்டர்கள்) அவரவர் அந்தந்த பொஸிசனில், ஏற்கனவே நடித்த காட்சிகளை திரும்ப நடிக்க ரெடியாக இருப்பார்கள். 360 டிகிரியில் இருந்தும் அந்த வர்ச்சுவல் உலகத்தை டைரக்டர் பார்க்க முடியும். அதை தனக்கு வேண்டும் என்பது மாதிரியான கோணத்தில், நமக்கு காட்ட முடியும். எப்படி வேண்டுமென்றாலும், கேமராவை நகர்த்த முடியும் (அந்த காட்சிக்குள்). இப்படி கேமராவை நகர்த்த ‘வீல்ஸ்’ (Wheels) என இன்னொரு நுட்பம். கேமராவை ட்ராலியில் வைத்தாலோ, க்ரேனில் வைத்தாலோ கிடைக்கும் அந்த எஃபெக்ட்டை சிமுலேட் செய்வது. கேமராவே இல்லாமல் ஒரு கேமரா.

இரண்டு மானிட்டர்கள் இருந்தால், அதில் ஒன்றில், வர்ச்சுவல் கேமரா அந்தக் காட்சியை எப்படி காட்டுதுன்னும், இன்னொன்றில் செட்டின் மேல் பொருத்தப் பட்டுள்ள ஒரு ரெகுலர் கேமராவில், அந்த வர்சுவல் கேமரா எப்படி நகருதுன்னும் ஒரே நேரத்தில் பார்க்க முடியும்.

வேணும்னா... மேலிருக்கும் படத்தை க்ளிக் பண்ணி பெருசா பாருங்க. அதில்... நடிகர்கள் ஒரு ப்ளாஸ்டிக் டப்பா மேல ஏறிகிட்டு இருக்கும் போது, அவர்களின் 10 அடி உயர நா’விக்கள் மரத்து மேல ஏறிகிட்டு இருப்பாங்க. என்னை மாதிரியே நீங்களும், கற்பனை வளத்தோடு ‘ஆஹா.. சூப்பர்’-ன்னு நினைச்சிக்க வேண்டியதுதான்.

இந்தக் கேமராவின் இன்னொரு வடிவத்தை, ஏற்கனவே ஸ்பீகல் பர்கின் ட்ரீம்வொர்க்ஸும், ஜார்ஜ் லூகஸின் ILM-மும் (Industrial Light & Magic) வச்சிருக்காங்க (‘பசை’யான நட்பு பாருங்க). அதை ILM-ல் பார்த்த பொழுதுதான், கேமரனுக்கு, இந்த வர்ச்சுவல் கேமராவை உபயோக்கிக்கனும் ஐடியா வந்தது.

ஆனால்... இதில் கேமரன் செய்த மாற்றம்தான்..., அடுத்த தலைமுறை டெக்னாலஜியை உருவாக்கியது. அது............

---

நாளையோடு அவதாரின் அட்டகாசம் முடியும்

---

---

(போட்டோக்கள் WIRED MAGAZINE -ல் இருந்து சுட்டது)