Bad Lieutenant: Port of Call - New Orleans (2009)

பல்ப் ஃபிக்ஸனின் ப்ராப்ளம் சால்வர், ஹார்வி கெய்டல், 1992-ல் நடித்தப் படத்தின் ரீமேக்கில், விளக்கெண்ணை மன்னன் 'நிக்கலஸ் கேஜ்' நடித்து, கடந்த ஒரு வருடமாக வெளிவர துடித்துக் கொண்டிருக்கும் படம். 1992- படத்தைப் பார்த்தவர்களுக்கு இது எந்த அளவுக்கு பாதிப்பைத் தரும் எனத் தெரியவில்லை. இருந்தாலும் இந்தப் பதிவு... 2009-ஐ மட்டும்தான் பார்க்க போகிறோம்.

---

ஹரிகேன் கட்ரீனா அடித்து ஓய்ந்தப் பின், அதன் ஆஃப்டர் மேத்-தாக படம் தொடங்குகிறது. நிக்கலஸ் கேஜ், விஜயகாந்த் போலவே ஒரு சின்ஸியர் போலீஸ்!!! ஊகும்.. அப்படி நினைத்தால்... நீங்க டிசம்பர் ஃபூல் . இவரும் வால்  கில்மெரும், மற்ற உயிர்களைப் பற்றியெல்லாம் கவலைப் படாத போலீஸ்காரர்கள். தண்ணிக்குள் மாட்டியிருக்கும் ஒருத்தனை, தன் காஸ்ட்லி அன்டர்வேர் கறையாகிவிடும் என்பதால் கூட காப்பாற்ற யோசிக்கும் க்ரூக்.

ஆனாலும் அவனை காப்பாற்றப் போய், அதற்கு பதவி உயர்வும், கூடவே நிரந்தர முதுகு வலியும் கிடைத்து, அதன் மூலம் போதைக்கு அடிமையாகிறார். அவரின் காதலி இவா மென்டெஸுக்கு, உலகின் பழமையான தொழில்.  இருவரும் எப்பொழுதும் போதையிலேயே திளைக்க, ஒரு இல்லீகல் இமிக்ரன்ட் வீட்டில் 'எக்ஸிக்யூஸன் ஸ்டைலில்' மொத்தக் குடும்பமும் கொல்லப் படுகிறது.

நிக்கலஸ் கேஜிற்கு அதை கவனிக்கும் பொறுப்பு. கொல்லப் பட்டவன் போதைப் பொருட்களை சில்லரை சப்ளை செய்பவன்.  கொலையை ஒரு இளைஞன் நேரில் பார்த்திருக்க... அவன் கொலையாளி யாரென சொல்கிறான். கேஸை கொஞ்சம் கொஞ்சமாக நகர்த்திக் கொண்டுடிருக்கும் போது, தலைமறைவான கொலையாளி, கண் முன் வந்தும், சாட்சி சொல்ல வேண்டியவன் ஊரை விட்டு ஓடிவிட.... கொலையாளி தப்பிக்கிறான். அவன் ஏரியாவின் தாதா.

போதை கடத்தல் காரர்களிடம் இருந்து கண்டுபிடிக்கும் வஸ்துகளை வைக்கும் அரசாங்க கூடத்திலிருந்தே, சரக்கை அவ்வப்போது தன் மூக்கில் அனுப்பிக் கொள்ளும் நிக்கலஸ்கு..., இன்டர்னல் ஆடிட்டிங் பிரச்சனைகளால் 'மருந்து' கிடைக்காமல் போக..... வழியில் போகும் இளசுகளை மிரட்டி வாழ்க்கையை தள்ள வேண்டிய கட்டாயாம். கூடவே சூதாட்டத்தில் ஏகப்பட்ட நஷ்டம்.

ஒரு கட்டத்தில்...... போதை மருந்து கொலையாளியும், போதைக்காக அவனுடனேயே கூட்டு சேரும் நிக்கலஸும் கை குலுக்க...... மிச்சமெல்லாம் வெண்திரையில்... ஸாரி.... டிவி திரையில்.

---

ஒரிஜினலுக்கும் இந்தப் படத்திற்கும் சுமார் 5%-10% ஒற்றுமை இருக்கலாம். ஒரிஜினலில்... ஒரு கன்னிகாஸ்த்ரி கற்பழிக்கப் பட்டிருக்க... அதை கண்டுபிடிக்கும் கதையாக போகும். இரண்டின் முடிவுகளும் மொத்தமாக மாற்றப் பட்டுள்ளது.

இரண்டுப் படங்களுக்கும் உள்ள மிகப் பெரிய ஒற்றுமை, வித விதமான போதை பொருட்களை.. உபயோகிப்பதை விலாவாரியாக காட்டுவதுதான். கூடவே... ரோட்டோர இளசுகளை மிரட்டுவதும் அவர்களை செக்ஸுவலாக துன்புறுத்துவதும்.

கதை.. இயக்கத்தை ஒப்பிட்டால்... இரண்டு படங்களிலும் எதோ ஒன்று நன்றாகவோ, மோசமாகவோ இருக்கின்றன. பழைய வெர்ஷனுக்கு... ஒரு ஒன்னரை மணிநேர பொறுமை வேண்டும். புதிய வெர்ஷனில்.. நிச்சயம்.. நிறைய சினிமாத்தனமான காட்சிகள் (குறிப்பாக க்ளைமேக்ஸ்).

நடிப்பை ஒப்பிட்டால்.... ஹார்வி 1% மேல். பதிவு 2009-ஐப் பற்றி மட்டும் என்பதால்...., Lord of War & World Trade Center-க்குப் பிறகு, ஹாலிவுட்டின் சிறந்த நடிகர்களில் ஒருவரான நிக்கலஸ், Knowing போன்ற குப்பையில் இருந்து, மீண்டும் தன் பழைய ஃபார்மிர்க்கு வந்திருக்கிறார்.

நிக்கலஸின் கேரக்டர் மிக காம்ப்ளக்ஸானது. எப்பொழுது நல்லவன், எப்பொழுது கெட்டவன் என யாராலும் தீர்மானிக்க முடியாத பாத்திரம். கொலையை கண்டுபிடிக்க எடுக்கும் முறய்சிகளில் தெரியும் போலீஸின் மனம், தனக்குத் தேவையான விஷயங்களுக்காக அப்படியே மாற்றி... அந்த நேரத்திற்கு தேவையான சுயநலத்தைக் காட்டும்.

ஒன்று... மொத்தமாக நல்லவனாகவோ.. அல்லது... கெட்டவனாகவோ பார்த்தே பழக்கப் பட்டுவிட்ட நமக்குத்தான் மண்டையைப் பிய்த்துக் கொள்ளத் தோண்றும். ஆனால் யோசித்தால்....., நாமும் கூட Bad Lieutenant தான். சர்வைவலுக்காகவும், சுயநலத்திற்காகவும் எதையும் செய்யும் மனம்தான் எல்லோருக்கும் இருக்கும். அதை.. ஒரு ஹீரோ.. சினிமாவில் செய்வதைத் தான் பார்க்க முடியவில்லை.

பெயரைப் பார்த்துவிட்டு... பெரிய அதிரடிப் படமென நினைக்க வேண்டாம். இது... ஒருவித ஆர்ட் பட, ரியாலிடி டைப் படம். "கடமை கண்ணியம் கட்டுப்பாட்டின்".... இன்னும் மேம்பட்ட ஒரிஜினல் போலீஸ் வாழ்க்கையின் எபிஸோட். படத்தின் இயக்குனர் Werner Herzog ஆர்ட் பட ஏரியாவில் மிகப் பிரபலமானவர். நமக்கு மிகவும் பழக்கமான ஒரு படத்தை இயக்கியிருக்கிறார். அது... நானே எழுதி.. நானே படித்துக் கொண்ட, என் முதல் பதிவு : Rescue Dawn.

கிட்டத்தட்ட ஒரு வருடத்திற்கும் முன்பே முடிக்கப் பட்டும்... ‘வைட் ரிலீஸ்’ கிடைக்க மாட்டேன் என அடம்பிடிக்கிறது. படம் நியூயார்க்கிலும், கலிஃபோர்னியாவிலும் மட்டுமே வெளியாகியுள்ளது. பொறுத்து பொறுத்துப் பார்த்து.. கடைசியில்.. என்ன... பண்ணியிருப்பேன்னு உங்களுக்கே தெரியும்.

Precious போலவே இதுவும் டார்க் தீம்தான். ஆனால்... Precious-க்கு கிடைத்த வைட் ரிலீஸ் இதற்கு கிடைக்காதது இதன் துரதிர்ஷடம்.  ஒரு நல்லப் படத்தையும் மிஸ் பண்ணக் கூடாது என்று நினைப்பவர்களுக்கு..... 1992 & 2009 - இரண்டையும் பார்த்து விடுங்கள்.

---

Bad Lieutenant = கடமை? கண்ணியம்?? கட்டுப்பாடு???

---

---