The Princess and the Frog (2009)

பிக்ஸார் தொடரின் இறுதி அத்யாயத்தில் எழுதிய மேட்டர்தான் இது. அனிமேஷனில் 3டி கேரக்டர்களை புகுத்தியதில் கொஞ்சம் கொஞ்சமாக வழக்கொழிந்து போன 2டி அனிமேஷனை... அந்த 3டி-யை அறிமுகப் படுத்தி அழித்த ஜானும், எட்வினும்.... 2004-ல் டிஸ்னி மூடிய 2டி அனிமேஷன் பிரிவை மீண்டும் திறந்து... அதிலிருந்து வெளிவந்திருக்கும் முதல் 2டி படம் The Princes and the Frog.

படத்தின் ட்ரெய்லர் பார்த்தவர்களுக்கு ஏற்கனவே கதை தெரிந்திருக்கும் (இப்பொழுதெல்லாம்... ட்ரெய்லரிலேயே மொத்த கதையையும் சொல்லி விடுகிறார்கள்). கீழ்கண்ட பாரா.. ட்ரெய்லர் பார்க்காதவர்களுக்கு மட்டும்.

பாட்டி சொன்ன கதையாக..., நாம் எப்பொழுதோ கேட்ட.... “ஒரு இளவரசி, தவளையை முத்தம் கொடுத்ததும்... அது ஒரு இளவரசனாக மாறும் கதையை” லைட்டாக உல்டா செய்து.. ஒருவேளை... இளவரசிக்குப் பதிலாக ஒரு சாதாரணப் பெண் அந்த தவளை இளவரசனை முத்தமிட்டால் என்னவாகியிருக்கும் என்று மாற்றுப் பார்வை பார்த்த, 2002-ல் வெளியாகிய.. The Frog Princess என்ற ஒரு  நாவலின் தீம்-மை மட்டும் அடிப்படையாக வைத்து குழந்தைகளுக்கு கதை செய்துள்ளார்கள். ”இக்குளூண்டு கதையை வைத்துக் கொண்டு என்ன சார் பண்ண முடியும்”-னு கேட்டால்...

---

The Hurricane பதிவை எழுதியதில் இருந்து... நியூ ஆர்லின்ஸ் நகரம் திரும்பத் திரும்ப வந்து கொண்டேயிருக்கிறது. Bad Lieutenant  அடுத்து... இந்தப் படமும் நியூ ஆர்லின்ஸ் நகரில் நடக்கிறது.

ஒரு பணக்கார வெள்ளைப் பெண்ணும் (ச்சார்லோட்) , இன்னொரு ஏழை கருப்புப் பெண்ணும் (டியானா) சிறு வயதிலிருந்தே தோழிகள்.  ச்சார்லோட்டிற்கு, தவளை இளவரசன் கதை கேட்டதில் இருந்தே.. அவனுக்கு முத்தம் கொடுக்க வேண்டும் என்ற ஆசை. இருவரும் ஹார்லிக்ஸ் குடித்து, வளர்ந்து பெரியவர்கள் ஆனப் பின்... இன்னும் ச்சார்லோட்டிற்கு அந்த ஆசை போகவில்லை. டியானாவிற்கு.. சொந்தமாக ஒரு ரெஸ்டாரண்ட் ஆரம்பிக்க வேண்டுமென்ற ஆசை. அதற்காக, பணம் சேர்த்துக் கொண்டிருக்கிறாள்.

ஒரு நாள்... இன்னொரு நாட்டு இளவரசன்.. இந்த ஊருக்கு வருகிறான் என்றதும்... ச்சார்லோட்டிற்கு கொண்டாட்டம். ஆனால் ஒரு மந்திரவாதி, இளவரசனை தவளையாக மாற்றி.. அவன் உதவியாளனை... வூடு மந்திரத்தை பயன்படுத்தி.. இளவரசனாக்குகின்றான். ஆனால் அந்த வூடு மந்திரக் கயிறு.... அடிக்கடி சார்ஜ் ஆக வேண்டும். அதற்கு அந்த தவளை பக்கத்தில் இருக்க வேண்டும்.

ஆனால் தவளை தப்பித்து இளவரசி அறைக்குள் போனால் அங்கு.. டியானா.. இளவரசி உடையில் இருக்கிறாள். அவளை முத்தம் கொடுக்கச் சொன்னால்... டியானாவும் தவளையாகிவிட....,  தவளையை தின்ன வேண்டிய ஒரு முதலையும், தவளைகளின் உணவான ஒரு மின்மினிப் பூச்சியும் நண்பர்களாகி............

மீதியெல்லாம்....... சொன்னாத்தான் தெரியுமா என்ன???

---

படத்தின் முதல் ஆச்சரியம்..., இது போன்ற ஃபேர்ரி கதைகளில்... எப்பொழுதும்... வெள்ளையர்கள்தான் ஹீரோயின்களாக இருப்பார்கள். இதில்.. முதல் முறையாக.. ஒரு கருப்பினப் பெண் ஹீரோயின். அந்த சந்தோஷம் கொஞ்ச நேரத்திற்குத்தான். அவளும்.. தவளையாகிவிட... கடைசி காட்சியில் மீண்டும் பெண்ணாகிறாள் (நான் எதோ ரேஸிஸ்ட் மாதிரி இதையெல்லாம் நோட் பண்ணிகிட்டு இருக்கேன்).

ஆல்ரைட்! படம் 2டி என்பது ஓகே. ஆனால் இது எந்த மாதிரி 2டி? கணிப்பொறியில் வரைந்ததா.. என்றால் இல்லை. இது ட்ரடீஷனல் அனிமேஷன் என்று சொல்லப் படும் ‘கையால் வரைந்து’ அனிமேட் செய்வது.

இப்படி ஒரு வீக்கான கதையை எடுத்துக் கொண்டு, அத்தனை பேரும் 3டி-க்கு மாறிவிட்டப் பின்னும்... மிக தைரியமாக ஒரு படத்தை எடுத்து வெளியிட்டதற்கே... முதலில் டிஸ்னிக்கும், ஜானுக்கும், எட்வினுக்கும் ஒரு சல்யூட் வைக்க வேண்டும்.

இவர்கள் எதை நம்பி இறங்கினார்களோ இல்லையோ..., நிச்சயம்.. படத்தை மூன்று பேர் கையில் கொடுத்து விட்டார்கள். அது... டிஸ்னியின் மறுமலர்ச்சிக் காலத்தில் (1990கள்) வெளிவந்து சக்கை போடு போட்ட... The Little Mermaid, Aladdin, Hercules போன்ற படங்களை இயக்கிய இரட்டை இயக்குனர்கள் - ஜான் மஸ்கர் & ரான் க்ளெமெண்ட்.

2டி.. மொத்தமாகவே வழக்கொழிந்து விட்டதாலும்.., இதற்கு முன் உபயோகித்த சாஃப்ட்வேர்களை.., அதை உருவாக்கிய கம்பெனியே மறந்து விட்டதாலும், பிக்ஸாரின் குல வழக்கமான.. எல்.கே.ஜியில்.. இந்த இரட்டை இயக்குனர்களும் சேர்ந்து கொண்டனர். ஏற்கனவே... ட்ரடீஷனலாக பலப் படங்களை அனிமேட் செய்திருந்தாலும்.. இப்பொழுது வேறு கதை. இதையெல்லாம் எல்லோருமே மறந்து விட்டனர். எனவே.. முதலில் பேப்பர் கடை எங்கிருக்கிறது என்று ஆரம்பித்து.. கூடவே.. பென்சில், ரப்பர் எல்லாம் மொத்த விலைக்கு வாங்கித்தான் படத்தை ஆரம்பித்திருக்கிறார்கள்.

படத்தில் உபயோகித்த டெக்னாலஜியைப் பற்றி எழுத.. இன்னொரு பிக்ஸார் பதிவு வேண்டும். ஏற்கனவே.. விட்டால் போதும்-னு, நீங்கள் ஓடி வந்திருப்பதால்... அதையெல்லாம் விட்டுவிடலாம். படத்தில் கேரக்டர்கள் மட்டுமே பென்சிலில் வரையப் பட்டவை. பேக்ரவுண்ட் எல்லாம்.. கணிப்பொறியில்.  இதற்காகவே.. நியூ ஆர்லின்ஸ் நகருக்கு சென்று.. 50,000 போட்டோக்களும் மேல் எடுத்துள்ளனர். கதை 1920-களில் நடைபெறுவதால்.. அதற்கு ஏற்ற மாதிரியான இடங்களை தேர்ந்தெடுத்து.. கலரடித்து..........

---

மூன்றாவது ஆள்தான்.... ரொம்ப முக்கியம். அது.... படத்தின் கம்போஸர் ரேண்டி ந்யூமேன். டிஸ்னியின் க்ளாஸிக் என்றால்.. அது 2டி ம்யூசிகல் அனிமேஷன்தான். அந்த பழைய நாட்களை திரும்ப கொண்டு வர.. 2டி-யும்.. அதற்கான இயக்குனர்களையும் தேர்ந்தெடுத்தப் பின்... ‘ம்யூசிகல்’க்கு ஜான் தேர்ந்தெடுத்தது... ரேண்டியை.

பிக்ஸாரின் மூன்று ஆஸ்தான இசையமைப்பாளர்களில் முதன்மையானவர். மொத்தம் பதினேழு முறை.. ஆஸ்கருக்கு பரிந்துரைக்கப் பட்டு, ஒரு முறை வெற்றி பெற்றவர் (Monsters, Inc). ஆனாலும் கிடைத்தது இசைக்காக இல்லை. அவர் எழுதிய பாடலுக்கு.  இவரின் கஸின் தாமஸ் ந்யூமேன், பிக்ஸாரின் இன்னொரு ரெகுலர் கம்போஸர்.

படம் 1920-களில் நியூ ஆர்லின்ஸ் நகரில் நடைபெறுவதாகவும், ம்யூசிகல் க்ளாஸிக்காகவும் இருப்பதால்... படத்தில் உபயோகப் படுத்திய காஸ்பல், ஜாஸ், ப்ளூஸ் என, அந்த காலத் தீம்களை மனுசன் கலந்து கட்டி அடித்திருக்கிறார். பெரும்பாலும் ஜாஸ் இசை. திரையின் எதாவது ஒரு மூலையில், ரேண்டி என எழுதி வைத்து விடலாம் போல. படமுழுக்க இவர்தான். இந்த முறையும் ஆஸ்கருக்கு, வழக்கம் போல ‘பரிந்துரைக்கப் படுவார்’ என எதிர்பார்க்கலாம்.

---

நோட்-பென்சிலை கொடுத்து.. ரெண்டு முட்டை வரையச் சொன்னால் கூட, அதுக்கும் 100 மில்லியனுக்கு டிஸ்னி கணக்கு காட்டும். அந்தக் கதைதான் இங்கும். மார்க்கெட்டிங் செலவெல்லாம் சேர்த்து.. 100 மில்லியனுக்கு மொய் எழுதிவிட்டார்கள். இந்த வாரம் முதலிடத்தில் இருந்தாலும், டிஸ்னிக்கு நேரம் சரியில்லை என்றுதான் சொல்ல வேண்டும் (நிச்சயம் போட்ட காசை விட அதிகமாக எடுத்துவிடும்). கையை கடித்துக் கொண்டால் இதுவே..... கடைசி 2டி படமாகக் கூட இருக்கும் அபாயம் இருக்கிறது.

விஸ்டாவில் வேலை செய்து கொண்டிருப்பவரை..., டாஸில் வேலை பார்க்க விடுவது போலதான்... இந்த முயற்சி. ஆனாலும்... நிச்சயம் வரவேற்கப் படவேண்டியது. நம் பழைய நாட்களை அசை போட... இந்தப் படம் நிச்சயம் உதவும். அந்த வகையில்.. எப்பொழுதும் இன்னொவேட்டிவாகவே யோசிக்கும், ஜானிற்கு ஒரு ஜே!!!

---

The Princess and the Frog =  Future Classic

---

---