The Lovely Bones (2009)

கிட்டத்தட்ட 4 வருட வனவாசம் முடிந்து, கிங்காங் படத்துக்குப் பிறகு பீட்டர் ஜாக்ஸன் இயக்கத்தை பார்க்கும் வாய்ப்பு. சத்தமேயில்லாம... கிட்டத்தட்ட ஒரு மாதத்துக்கும் மேலாக ஓடி (லிமிடட்), ஒரு வழியாக போன வாரம் வைட் ரிலீஸ் கிடைக்க.....

---

2002 -ல் இதே பெயரில் வெளிவந்து வெற்றி பெற்ற ஒரு நாவலை..., பீட்டர் பெரிய திரைக்கு கொண்டு வந்திருக்கிறார். கதை????

மார்க் வாபெர்கின், சந்தோஷமான குடும்பம். இரண்டு பெண் குழந்தைகளில்... ஒரு பெண்ணை, பக்கத்து வீட்டில் வசிக்கும் ஒருவன் கொலை செய்து... அவள் பிணத்தை மறைத்து விட..., மொத்தக் குடும்பமும் அவளை தேடிக்கொண்டிருக்கும் போது..,

... பூமிக்கும் - சொர்கத்திற்கும் இடைப்பட்ட ஒரு இடத்தில் இருந்து கொண்டு, தன் குடும்பத்தையும், கொலை செய்தவனையும்... இந்தப் பெண் பார்த்துக் கொண்டிருக்கிறாள்.

மிச்சம் மீதியெல்லாம்.... படத்தில்!!!

---

“அடடே.... நாம படமெடுத்து ரொம்ப நாள் ஆய்டுச்சே. ஏற்கனவே போனப் படத்தை.. எல்லோரும் குத்திக் கிழிச்சிட்டாங்க. ‘லார்ட் ஆஃப் த ரிங் : ரிடர்ன் ஆஃப் த கிங்’ படத்துக்கப்புறம் ஒரு உருப்படியான படத்தைக் கூட எடுக்கலைன்னு கம்பெய்ண்ட். டைரக்‌ஷன் மறக்காம இருக்கான்னு செக் பண்ணலாம்...”-னு

..நினைச்சிகிட்டே...... பீட்டர் இந்தப் படத்தை எடுத்திருப்பார் போல. கொடுமைடா சாமி!!! இந்தக் கருமத்தை லிமிடடாவே வச்சித் தொலைஞ்சிருக்கலாம். ‘வைடில்’ போட்டு நம்ம உயிரை வாங்கிட்டாங்க.

போன வருட சிறந்த மொக்கையா நான் நினைச்சது, Mall Cop, A Christmas Carol, New Moon, Couples Retreat மாதிரி படங்களைத்தான். அதெல்லாத்தையும் தூக்கி சாப்பிட்டுடுச்சிங்க இந்தக் காவியம். இத்தனை மட்டமா ஒரு படத்தை, ஒரு உலகப் புகழ்கிட்ட இருந்து எதிர் பார்க்கலை.

WETA Digital, அவதார் படத்துக்கு க்ராஃபிக் பண்ணும் போது, எக்ஸ்பீரியன்ஸ் ஆட்கள் எல்லாம் அதில் வேலை பார்த்தப்ப, மிச்சம் மீதியை கவனிக்க.... கொஞ்சம் அப்ரண்டீஸ்களை வேலைக்கு எடுத்திருப்பாங்க போலயிருக்கு.

“வெட்டியாதானே உட்கார்ந்திருக்க... இந்த படத்துக்கு க்ராஃபிக் பண்ணு”-ன்னு நம்மாளு அவங்ககிட்ட சொல்லியிருப்பாரு போல. பசங்க பூந்து வெளையாண்டுட்டாங்க போங்க. அவதார் கொடுத்த கம்பெனியின் மானத்தை வாங்கிட்டானுங்க மக்கா. உங்க உடம்புல ‘பொறுமையின் நரம்பு’ எதுன்னு தெரியனும்னா... இந்தப் படத்தைப் பார்க்கலாம்.

இந்த லட்சணத்தில், இதுக்கு  65 மில்லியன் செலவாம். வெளங்கும். போங்கய்யா.. போய்... இந்த காசை.. எதுனா அனாதை ஆஸ்ரமத்துக்கு தானம் பண்ணுங்க. போகும் போது என்னத்தை கொண்டு போகப் போறீங்க?!

(நான் இப்படி எழுதினனாலதான்.. அமெரிக்காவில் முழுக்க இந்தப் படம் ஊத்திக்கப் போகுது..., புது முயற்சிகளை வரவேற்போம் -ன்னு யாராவது எதிர் பதிவு எழுதறீங்களா.. ப்ளீஸ்!!)

---

The Lovely Bones = Fractured Bones

---

---