Daybreakers (2010)

சினிமா கண்டுபிடித்ததில் இருந்து, இதுவரை... வெளிவந்துள்ள 1000 சொச்சம் வேம்பயர் படங்களிலும்... சொல்லாத ஒரு விசயம், Daybreakers -ல் உண்டு. இதற்கு முன், மூன்றுப் படங்களில், 99% மனித இனமும் அழிஞ்சது போல காட்டியிருப்பாங்க (28 Days After, I am Legend, Zombieland).

ஆனால் அந்தப் படங்களில் காட்டதது, மொத்த மனித இனமும் அழிந்தால், இந்த வேம்பயர்கள், ‘இரத்தத்திற்கு’ என்னப் பண்ணுவாங்க? தங்களின் எதிர்கால ‘இரத்தத் தேவை’க்கு, மீதியிருக்கும் அந்த 1% மனித இனத்தை காக்க வேண்டிய பொறுப்பு இவர்களுக்கு இல்லையா?

Daybreakers டீல் செய்வது அந்த ஏரியாவைத்தான்.

---

2019-20 களில், எதோ ஒரு நோயினால், பெரும்பாலான மனித இனம் ‘வேம்பயராக’ மாறிவிட, எஞ்சியவர்கள் பகல் வேளைகளில் மட்டும் வெளியே வந்து கொண்டிருக்கிறார்கள். மொத்த உலகமும் (அதாங்க...... அமேரிக்கா) இப்பொழுது வேம்பயர்கள் கையில்.  அத்தனை வேலைகளும் இரவில் மட்டுமே நடக்கின்றன.

’இரத்தமே’ கிடைக்காமல்.. அத்தனை வேம்பய்ர்களும் பட்டினியால் அவதிப்பட, நாளாக கொஞ்சம் கொஞ்சமாக... வவ்வால் உருவத்தை அடைய ஆரம்பிக்கிறார்கள். கிடைக்கும் 1-2 மனிதர்களையும், அரசாங்கம்... தங்களின் ‘மாற்று இரத்த’ ஆராய்ச்சிக்காக, சிறை பிடிக்கிறது.

எட்வர்ட் (Ethan Hawke) இதுமாதிரியான ஒரு ஆராய்ச்சிச் சாலையில், ஒரு வேம்பயர் டாக்டர். மனிதர்கள் மேல் கொஞ்சம் கருணையுள்ளவன். மனித ரத்தத்தை குடிப்பதில்லை என முடிவு செய்து, மாற்று ரத்தத்திற்கான ஆராய்ச்சியை மட்டும் செய்து கொண்டிருப்பவன். ஆனால், எட்வர்டின் தம்பி, மனிதர்களை சிறை பிடிக்கும் படையில் ஒரு சோல்ஜர்.

ஒரு விபத்தில், சில மனிதர்களை சந்திக்கும் எட்வர்ட், அவர்கள் மூலம்..., ஏற்கனவே வேம்பயராக இருந்து... மனிதனாக உறுமாறிய எல்விஸை (William Dafoe) சந்திக்கிறான். தன்னையும் அதே ஆராய்சிக்கு உட்படுத்திக் கொண்டு மனிதனாக மாறும் முயற்சியில் எட்வர் இறங்க.., அரசாங்கம் இந்த மனித க்ரூப்பை வேட்டையாடத் தொடங்குகிறது.

அப்புறம் க்ளைமாக்ஸ்....!

---

கிட்டத்தட்ட வேம்பய்ர்களின் பார்வையில் இருந்து முதன் முதலாய் ஒரு படம்.  வேம்பயர்கள் மொத்த உலகையும் ஆண்டால், அப்பொழுது அவர்களின் வாழ்க்கை, உணவு முறைகள், பழக்க வழக்கங்கள், பிரச்சனைகள்-ன்னு பார்த்துப் பார்த்து யோசித்தவர்கள் க்ளைமேக்ஸில் மட்டும் கோட்டை விட்டுட்டாங்கன்னு நினைக்கிறேன்.

இது மாதிரிப் படங்களுக்கு, எதாவது ஒரு பாஸிடிவ் முடிவை கொடுத்தேயாகணுமா? I am Legend படத்தின் ஆல்டர்னேடிவ் எண்டில் கூட, இப்படியொரு பாஸிடிவ் முடிவு வச்சிருப்பாங்க.

ஆனால், 28 Days Later படத்தை விட, இதில் வன்முறை அதிகம். ப்ளடி!!! இதற்கு ஸ்பெஷல் எஃபெக்ட் + விஷுவல் எஃபெக்ட் செய்தது.., LOTR, Avatar புகழ் ‘WETA Workshop' (Weta Digital-ன் தாய் நிறுவனம்). Weta Digital, The Lovely Bones சொதப்பிதை விட, இது எத்தனையோ பெட்டர். இப்படியே போனால்.. கொஞ்ச நாளில் ILM-ஐ அடிச்சிட்டு இவங்க முன்னாடி போய்டுவாங்க பாருங்க.

ஆஸ்த்ரேலியத் தயாரிப்புன்னாலும், ஊர்ப் பெயரையெல்லாம் சொல்லாமல், ஒரு யுனிவர்சல் சப்ஜக்ட் போல ஹேண்டில் செய்திருக்கும் நேர்த்தி, மிகத் திறமையான நடிகர்கள் (Ethan Hawke, William Dafoe, Sam Neil), முயற்சி செய்யாத கதைக் களம்னு நிறைய ப்ளஸ் இருந்தாலும், படத்தின் பின்பகுதி... மற்ற வேம்பயர் படங்களின் கார்பன் காப்பி மாதிரி போனதுதான் சொதப்பல்.

இருந்தாலும்... மற்ற வேம்பயர் படங்களில் இருந்து, இது ரொம்ப தூரம் விலகியிருப்பதுதான் ஃப்ரெஷ் பிக். விஜய், கிரி மாதிரி ஹாரர் ரசிகர்களுக்கு, இந்தப் படம் ஒரு நல்ல எண்டர்டெய்னரா இருக்கும்.

(ஏற்கனவே Twilight விமர்சனத்தில் இந்த வேம்பயருக்கு தமிழ்ப் பெயர் கொடுத்த தொந்தரவால், இந்த முறை ஒழுங்கா.. தெரிஞ்சப் பெயரை மட்டும் யூஸ் பண்ணிகிட்டேன்! :) )

---

---

Daybreakers = Bloody Entertainers

---