Heist (2001) - [Hollywood Robbeires 04]

Mamet Speak -ன்னா என்னன்னு கேள்விப் பட்டிருக்கீங்களா? இல்லைன்னா, படத்தைப் பத்தி பேசும் முன்.. இது என்னன்னு பார்த்துடுவோம். ஒரு படத்தின் டயலாக், கீழ்கண்ட ஸ்டைலை பின்பற்றி எழுதியிருந்தா.. அதை Mamet Speak ஸ்டைல்ன்னு சொல்லுவாங்களாம்.

01. வாயைத் திறந்தால் கூவம் தேவலாம்-ங்கற அளவுக்கு அள்ளி விடுவது. வேகமான டயலாக் டெலிவரி.

02. ஒருவர் பேசும் போது, அடுத்தவர் குறிக்கிடுவது. குறிக்கிடும் போதே.. முதல் பாத்திரம் சொல்ல வந்த வாக்கியத்தை குறிக்கிட்டவர் முடிப்பது. ஒருவர் பேசிய அதே டயலாகை அடுத்தக் கேரக்டரும் ரிபீட்டுவது.

03. ஒருவர் சொன்ன ஒரு வாக்கியத்தை, அதே வார்த்தைகளைக் கொண்டு, அடுத்தக் கேரக்டர்... தனக்குத் தேவையான அர்த்தத்தை அதில் பெற்றுக் கொள்வது. அல்லது அந்த அர்த்தம் வரும்வரை, அந்த வாக்கியத்தோடு விளையாடிக் கொண்டிருப்பது.

சரி எதுக்கு சம்பந்தமேயில்லாமல் Mamet Speak பத்திப் பேசணும், அல்லது இதுக்கு என்ன அர்த்தம்? பின்னாடி பார்ப்போம்!!

---

ஒரு கொள்ளையடிக்கும் படத்துக்கு, டிபிகலாக என்னென்ன தேவையோ, அத்தனையும் வைத்துக் கொண்டு, கொஞ்சம் வித்தியாசம் காட்டணும். அங்கதான் இந்த Mamet Speak -க்கும், கேரக்டர் டெவலப்மெண்டும். கதை?? சுருக்கமாக எழுதினால் கூட, உ.த பதிவு சைஸுக்கு வருமளவுக்கு, அத்தனை ட்விஸ்ட்.. அல்லது அத்தனை நீளமானக் கதை!

ஜோ -வின் தலைமையில் இன்னும் இரண்டு திருடர்கள் (பாபி & பிங்கி). மூன்று பேரும் ரிடயர்ட் ஆகும் வயதில். ஜோவிற்கு ஒரு இளம் மனைவி.  இதுவரை ஏகப்பட்ட கொள்ளைகளை ஏற்கனவே.. இந்த நாலு பேரும், போலீஸிடம் மாட்டாமல் செய்திருக்க, ஒரு கொள்ளையில், ஜோவின் முகம் செக்யூரிடி கேமராவில் பதிகிறது.

இனிமேல் கொள்ளைத் தொழிலை நடத்த முடியாது என்பதால், அந்தத் திருட்டோடு.. ‘தொழிலுக்கு’ மூட்டை கட்டப் பார்த்தால், இந்த அத்தனைக் கொள்ளைகளையும் திட்டமிடும்.. மிக்கி என்பவன், அந்தக் கொள்ளைக்கு அவர்கள் பங்காக கொடுக்க வேண்டியப் பணத்தை கடைசியாக ஒரு கொள்ளையை நடத்தினால் தருவாத சொல்கிறான். ஆனால் உப கண்டிஷன் அவனது உறவினன் ஒருவனையும், இவர்களின் ஆட்டத்தில் சேர்க்க வேண்டும்.

கொள்ளை அடிக்கப் போவது, ஒரு ஸ்விஸ் விமானத்தில் இருக்கும்.. தங்கக் கட்டிகளை!! திட்டம் ஆரம்பித்தவுடன்... அதன் பின், முழுக்க முழுக்க Gene Hackman ஆளுமையில், நடக்கும்.. டாம் & ஜெர்ரி விளையாட்டுத்தான்.. அடுத்த இரண்டு மணி நேரமும்.

---

வீடு படத்தில்.. ‘வீடு’ தாத்தா.. ரெண்டு கிலோமீட்டர் நடக்கணும்னா.. கூடவே.. பாலுமகேந்திராவும் கேமராவை எடுத்துக்கிட்டு நடக்க ஆரம்பிச்சிடுவார். அது ஒரு ஸ்டைல்.

“ரூபலாவிடம் பை சொன்ன விவேக்.... தன் யமஹாவின் கிக்கரை உதைத்து, வேகம் கொடுத்த அடுத்த ஐந்து நிமிடத்தில், கோகுல்நாத்தின் அலுவலகத்தில் இருந்தான்”. இப்படி ராஜேஷ்குமார் எழுதியிருந்தால், நம் மனதிலும், விவேக் பை சொல்லி, கிக்கர் உதைத்து, த்ராட்டில் முறுக்கி, அந்த ஐந்து நிமிடத்தை மனதிற்குள் ‘கட்’ செய்து, கோகுல்நாத் அலுவலகத்தை கற்பனையில் கொண்டு வருவோம்.

Heist படத்தின் இயக்குனர் David Mamet -ன் ஸ்டைல் இது போலத்தான் இருக்கும். ஆஹோ ஓஹோ டைரக்டரோ, மிகப் பெரிய ஹிட் கொடுத்த டைரக்டரோ எல்லாம் இல்லை. பெரும்பாலும் நாடங்களையும், டிவி சீரியல்களையும்தான் எழுதி இயக்கியிருக்கார். ஆனால் தன்னுடைய மிகத் திறமையான வசனங்களுக்காகவே “Mamet Speak" என்ற ஸ்டைலை உருவாக்கியவர். 

Cluster F-Bomb சொல்லாடல் உண்டு. ஒரு பாரா அல்லது ஒரு கட்டுரை எழுதினால், கமா, முற்றுப்புள்ளி கூட இல்லாமல் இருக்கலாம். ஆனால் F*** வார்த்தைகள், ஒவ்வொரு 4-5 வார்த்தைகளுக்கு நடுவில் இருப்பது போல் எழுதுவது. நம்ம க்வெண்டின், கெவின் ஸ்மித் எல்லோரும் எழுதும் ஸ்டைல்தான். அதற்கும், Mamet தான் குரு.

மேலே சொன்ன அத்தனை விசயங்களையும், Heist படத்தில் பார்க்க முடியும். ஆற அமர.. ஒரு ஹாலிவுட் கொள்ளை.  இத்தனைப் பொறுமையா ஒரு கொள்ளையடிக்கும் படத்தைப் பார்த்திருக்க மாட்டோம்னு நினைக்கிறேன் (Flawless ஒரு எக்ஸப்ஷன்). ஆனாலும் ஒரு நிமிடம் கூட, திரையை விட்டு அகலாது. இத்தனைப் பொறுமையாக ஒரு இயக்குனரால்.. கேரக்டர் டெவலப்மெண்ட் செய்ய முடியுமான்னு ஒரு ஆச்சரியத்திலேயே படமுழுக்கப் பார்த்தேன். க்ளைமேக்ஸ் காட்சிகள் மட்டும் நற நற.

உங்கள்ல எத்தனைப் பேருக்குப் பிடிக்கும்னு தெரியலை. வித்தியாசமான ஒரு கொள்ளைப் படத்தை பார்க்க நினைப்பவர்களுக்கு மட்டும்... இது ரெகமெண்டட்.

---

Heist = Mamet Speak

---

---